سلام عليكم ورحمة الله وبركاته
انا حبيت اقولكو شوية حاجات فرقت معايا انا شخصيا كتير اوي قلت يمكن تستفادو منها
بداية كل كلامي هيكون على اساس كلمة معينة موجودة في دماغنا وهي ان كل واحد عنده ملف ريجيمات قديم او هي اصلا سمين سابق وليس بسمين حديث هي ان الاكل هي "متعة" والبعد عنها "ألم"
مابين المتعة والالم نحن نعيش على وهم يسمى متعة الاكل
ازاي نحاول نخفف جوانا من المتعة دي عشان لما نيجي نخس نخس باقتناع اكتر
عندنا في سورة يوسف "فَلَمَّا رَأَيْنَهُ أَكْبَرْنَهُ وَقَطَّعْنَ أَيْدِيَهُنَّ وَقُلْنَ حَاشَ لِلَّهِ مَا هَذَا بَشَرًا إِنْ هَذَا إِلَّا مَلَكٌ كَرِيمٌ"
من السورة دي كل ماافتكرها اقول فعلا الواحد لما يكبر الحاجة في قلبه بيكون اوهام عايش على اساساها ويقول انه لما ياكل كذا مزاجه هيتعدل ولما ياكل كذا هيتبسط
انا مش هقولكو اني خلاص بقى حياتي بقت مثالية بس بجد والله كل ماافتكر انه اللي باكله دا وهم بسيب الاكل فورا
تاني شيئ اسمه تأجيل المتعة:
لو مقدرتيش انك مثلا تبطلي الاكل وخلاص كدا كدا هتاكلي خلاص انتي مثلا هتاكليه الساعة 8 لاء كليه الساعة 12 ..مرة بمرة هتحسي انك بتنسي وهتحسي بهيافة الاكل مش بالشيئ العظيم اللي انتي مفكراه
تالت شيئ انك تلهي نفسك بأشياء مفيدة وتقولي لنفسك الانجاز متعة الحياة او قولي اي شيئ ايجابي بحياتك الصلاة احلى من الاكل ياستي قولي المسلسل احسن من الاكل
فيه اشياء تانية بقى نقدر نقول عليها :
انك تشربي ماية كتير على اد ماتقدري..تاكلي قطعة فاكهة… فيه حاجة بعملها تحطي خل تفاح معلقة على كوباية ماية بتسد النفس ولو عايزة اقل من معلقة اعملي
ياريت تشاركونا افكاركو وتدعولي من قلبكو وادعيلكو من صميم قلبي يقلل شهوة الاكل في قلبي وفي قلوب المسلمين ويمتعنا بالحياة الحلوة الحقيقية اللي مفيهاش اسراف ولا شهوات
لو تقدرو تددخلو الجروب الاساسي بتاعي وتدعو كل يوم يبقى جزاكم الله خير
https://fatakat.univanet.com/#3262017
sam_smile sam_smile 580810_1.gif فتكات ست الكل Fatakat 580810 المحلة – مصر