السلام عليكم اخواتى الحبيبات
طبعا كلنا جربنا نعمل ريجيمات كتييييييرة بس طبعا السبب الرئيسيى لفشل كل الريجيمات دى هى عدم الرياضة
لاننا طبعا بنفاجأ اننا ماشيين على الريجيم مظبوط وكل حاجة لكن الوزن مش بينزل
والحل يا جماعة والله العظيم اللى هيجيب نتيجة بغض النظر عن الريجيم المستخدم هو عمل الرياضة
الرياضة بقى بكل انواعها يا اما مشى او تمارين ايروبكس او على اجهزة
المهم تحريك الجسم بقدر الامكان
ففكرت اننا نعمل الموضوع ده عشان نشجع بعض اننا نعمل رياضة
طيب هيكون ايه نظامنا ان شاء الله:
احنا ههنمشى فى الموضوع ده لمدة شهر وكل يوم هنعمل 60 دقيقة رياضة يعنى فى الشهر كله هتكون 1800 دقيقة
طيب نفرض دلوقتى ان فيه يوم حصلتلنا اى ظروف منعتنا من عمل الرياضة؟؟
يبقى تعوضى اليوم اللى بعده واللى بعده لحد ما ال 60 دقيقة بتوع اليوم دول يتعملوا باى طريقة
المهم انه فى نهاية الشهر ده نكون عملنا 1800 دقيقة
واللى هيوصولوا مش هاوعدهم بوسام والا هدية بس هيكونوا كسبوا صحتهم فى الاخر وهنتعود على الرياضة اللى للاسف ما اتوعدناش انها تكون جزء من حياتنا اليومية
انا هابدأ الاحد ان شاء الله الموافق 21 فبراير وهيكون اليوم الاول بتاعى
كل يوم مطلوب مننا ندخل ونقول عملنا اد ايه رياضة فى اليوم وباقى لينا عشان نوصل لل 1800
يالا يا بنات فرصة جديدة اهوه عشان نكسب بيها صحتنا ورشاقتنا ويالا نشجع بعض
اختكم " أم زياد"
Masryah in Canada Masryah in Canada فتكات متميزة Fatakat 181866 تورنتو – كندا