السلام عليكم ورحمة الله وبركاتة ..
كلنا طبعاً عارفيين قد ايه العروسة المنتقبة بتتعب وبتحتااااااااار تلبس ايه
وتعمل فرحها أزاى
نفسها تفرح وفى نفس الوقت ترضى ربنا
وتحاول على قد ما تقدر تبعد عن المخالفات الشرعية
طيب تعالوا نمشى مع بعض خطوة خطوة
من أول الرؤية الشرعيــــة
لحــــــــــــد الزفاف بأمر الله
مبدئياً كده انا لسه قدامى كتير أوى على الزواج عاااااااااااا
ربنا ييسر أمورنا يارب ويرزق خطيبى من حيث لا يحتسب ويرجعة بالسلامة
( مفيش آمين ولا أيه )
نيجى بقى للمهم
انا بصراحة شاغل بالى جدا وأكيد كتير منكوا موضوع الفرح وهنلبس ايه سواء فى العقد أو الزفاف أو يوم الحنة
فعايزة نجمع أفكارنا مع بعض
ولو انتِ متزوجة ياريـــــــــت تفيدينا وتقوليلنا لبستى ايه .. وعملتى فرحك فين .. ؟؟
لان احنا الاهم عندنا رضا ربنا سبحانة وتعالى
وان الزواج ده نعمة ورزق من الله .. لازم نحمده عليها ونبدأ حياتنا برضاه عننا ::
فانا عندى كام فكرة كده هقولهالكم يارب تعجبكم
واتمنى اعرف رأيكم ونحاول نوصل مع بعض لأجمل حاجة
لان دى ليلة العمر ومش هتيجى تانى
أولا انا عايزة ابدأ معاكوا من البداية خالص
يعنى من يوم الرؤية الشريعة
طبعاً كلنا بلا إستثناء بنحس أحاسيس غريبة وعكس بعض خالص
متلخبطة
متوترة
مكسووووووووووووووووفة
فرحااااااااااااااااااااااانة
وكمان هنقلع النقاااااااااااب عشان يشوفنا وده كان بالنسبالى حاجة صعبة أوى
قعدت أفكر وقتها كتير ألبس ايه ..
مارضتش ألبس الملحفة عشان اللخمة – انا أصلا اول مادخلت اتكعبلت وكنت هقع عليه ههههه وده من غير الملحفة –
فطبعاً كنت عاملة حساب النقطة دى
وبعد لف ودوران لبست تايير ( جيب وجاكيت )
أخترته رقيق .. بسيط .. مش زحمة وبربرق بقى وحركات
والحمد لله كان جميل
بلاش بنطلون يا جماعة ربنا يكرمكم
وممكن كمان تلبسى عباية وعليها طرحة فاتحة
نيجى بقى لمرات الرؤية ..
انا خطيبى شافنى مرة واحدة بس وماطلبش تانى والحمد لله الموضوع مشى
لكن لو طلب تانى من حقة
بس مش يستغل الفرصة بقى
اللى سمعتة من الشيخ محمود المصرى ان مش زى ماهو شائع 3 مرات والكلام ده
لأ أدى فرصة للعريس يشوفك كويس لان غالبا اول وتانى مرة بيبقى فى كسوف رهيييييييييب
والله انا اول مرة دى ماشوفت خطيبى اصلا
كنت عمالة بتفرج على السجادة هههههه لحد ما حفظتها نقشة نقشة
كده موضوع الرؤية عدى والحمد لله
نيجى للخطوبة بقى 
..
الأصل فى الخطوبة الكتمان
يعنى هتبقى جميلة أوى لما بتبقى حاجة بسيطة
تبقى انتِ مع البنات جوه وتبقى لبسه الفستان اللى انتِ عايزاه
وتشغلوا أناشيد بالدف
او لو تعرفى بنات يجوا ينشدولك بالدف
بجد بتبقى رووووووووووووووعة
والعريس بره مع الرجال
ووالدة العريس بتدخل تلبسك الشبكة
وألــــــــــــــف مبروك
بس كده خلاويص
نيجى بقى للعقد
( لو هتعقدى فى غير يوم الزفاف )
طبعاً أحسن حاجة انك تعقدى فى مسجد يكون الرجال تحت
والنساء فوق
طيب هتلبسى ايه ؟؟
ممكن تلبسى عباية مطرزة وعليها نقاب أبيض
زى الصورة دى كده
وياريت نخلى بالنا ماتكونش مطرزة تطريز ملفت
او ممكن تلبسى فستان رقيق وتعملى شعرك
وتلبسى الكاب
زى الصورة دى كده
يوم الحنة .. برضة بنكون بنات مع بعتينا ونعييييييييش
بنشغل اناشيد أو بنات تنشدلنا زى ما اتفقنا
والبسى فستان رقيق كده
وبجد هتبقى تحححححححفة بأمر الله
مع ان مافيش إختلاط ولا اغانى
بس بجد بتحسى ببركه ربنا فيه
يتبـــــــــــــــــــــــــع ان شاء الله ..
آيه من الله آيه من الله 136633_73.gif فتكات ست الكل Fatakat 136633 القـاهرة – مصــر