مساء الخير يا فتوكات لرابطة محبي المكرونة أقدم لكم دلوقتي طبق جديد وهو المكرونة بالسجق متضيعوش وقت وأكتبوا ورايا
*المقادير:
1 كيس مكرونة أي نوع (أنا شخصيا أفضل الاسباجيتي) – 2معلقة عصير طماطم مذابة في كوب كبير ماء – 1بصلة متوسطة مفرومة – نصف كيلو سجق مقطع مكعبات – ملح + فلفل اسود +معلقة صغيرة ثوم – 2 معلقة كبيرة زيت ذرة
*الطريقة:
بصي يا فتوكة انتي طبعا هتكوني سلقة المكرونة كويس ومصفياها وغسلاها من النشا الزائد بها
بعدين هتجيبي طاسه وتحطي فيها الزيت وتسيبيه لما يسخن شويه وبعدين تضيفي البصلة وتشوحيها علي النار لحد ما لونها يصفر
وبعد كده تضيفي الثوم وتسيبيهم علي النار لحد السجق ما يستوي
بعدين تضيفي كباية الصلصة عليهم وتسيبيهم علي نار هادئة 10 دقايق وبعدين تضيفي الملح والفلفل الأسود وتقلبي كويس
كده خلاص الصلصة اتسبكت والسجق استوي اللي فاضل بقي تجيبي طبق غويط وتحطي فيه كمية المكرونة اللي انتي عايزاها وبعدين تضيفي السجق بالصلصة بتاعته زي ما تحبي فوق طبق المكرونة
وبألف هنا وشفا يا فتوكات
يا فتوكة منك ليها متنسوش تقولولي رأيكم في الأكلة دي وتقيموا الموضوع يا فتوكات من فضلكم مواضيع هذا القسم برعاية
كوكي سمسم كوكي سمسم 81239_1.gif فتكات هايلة Fatakat 81239 حضن ابني – قلب زوجي
سبحان الله و بحمده