اولا السلام عليكم ورحمه الله وبركاته
انا على طول كنت بدخل المدونة زائره واستفدت منه بجد لحد ما جربت وصفه بنفسى قولت اجى افيدكم كدا
ابتدى معاكم الموضوع من الاول بالتفصيل الممل المعل
انا كنت رفيعه جدا لدرجه بشعه كنت عامله زى البرص الجعان بالظبط
وكل اللى يشوفنى يقولى انتى رفيعه اوى ومع ذلك ومع كل كومنتات الناس دى
كنت عامله نفسى مش هاممنى بقى واقول انا كدا مزه واتضح فالاخر انى كنت جثه مش مزه ههههه
المهم عشان مطولش عليكم انا قولت ادخل ع النت ادور على اى حاجه تخننى وتخلينى مقلبظه كدا
المهم بالصدفه دخلت مدونة فتكات ولقيت وصفه وقولت اجربها مش هخسر حاجه
وفعلا جربتها وبقيت مززززززززززه بجد
انا كنت 50 ك وطولى 165 تخيلوا بقى المنظر عامله زى عود القصب ومكنش فيه اى مؤهلات انوثويه خالص مالص
بعد ما جربت الوصفه دى تخنت 15 ك بالظبط وحاليا بقيت 65 ك ووزنى ثابت مش بخس ولا بزيد بجد بقيت حاجه تانيه خالص
ونفسيتى بجد اتغيرت جدا وموضوع التخن دا فرق معايا اوى
وعلى فكره اول ما تخنت بقيت اموره اوى وبعدها اتخطبت الحمد لله
انا عارفه احساس اى واحده رفيعه وعاوزه تتخن ومش عارفه احساس صعب اوى
فانا حبيت افيدكم بحاجه مجربه ومقولش اى كلام وخلاص
بصوا ياجماعه انا هكتبلكم انا عملت ايه بالظبط
اول حاجه اناسالت دكتور على الادويه دى هل هى غلط او بتأثر على اى حاجه قالى لا مبتعملش حاجه خالص دى فواتح شهيه
1-كل يوم قبل التلات وجبات هناخد معلقه كبيره من فاتح الشهيه تريزوركس
2-كل يوم بعد التلات وجبات هناخد معلقه كبيره من فاتح الشهيه ومهضم ديجستين
3- كل يوم 3 مرات يوميا بعد التلات وجبات هناخد قرصين خميره – اقراص الخميره دى بتيجى من الصيدليه ب 6 ج فيها 60 قرص بناخد 6 اقراص ف اليوم بعدكل وجبه ناخد 2 قرص
4- كل يوم بعد التلات وجبات كوبايه لبن وندوب فيها جروث فورميلا انا كنت جربت الخطوه دى لوحدها ومعملش معايا حاجه خالص المهم هقولكم انا بدلت الخطوه دى
بايه جبت علبه لبن نيدو وبقيت بعد كل وجبه احط تلات معالق نيدو على اى نوع عصير عندى واشربه بعد التلات وجبات ودا جاب معايا نتيجه
المهم انا بدات ف شهر 11والنتيجه بانت على شهر 1 يعنى بعد 3شهور ومكنتش بكسل يوم واحد
بالنسبه لنوع الاكل كنت باكل اى حاجه مش هقولك نص فرخه ونص بطه ومعرفش ايه
لا كلى اللى انتى عوزاه
وطبعا اول نوعين من العلاج اللى هما تريزوركس وديجستين اول اسبوع بعدما تاخديهم هتحسى انك عاوزه تنامى كدا بس بعد اول اسبوع او 5 ايام هتتعودى عليهم
والعلاج دا بيفتح الشهيه جامد اى حد كان عاوزنى كان بيدخل ينادينى من المطبخ والله وبقيت من كترالجوع اقوم من عز النوم ع المطبخ
وبقيت باكل بين الوجبات مثلا سندوتش حلاوه طحينبه اى حاجه انتى حابه مش شرط نوع معين
وبعد التلات شهورالاولى لو استمرتى على النظام دا الكل هيلاحظ الفرق
كنت اروح اوزن نفسى كل اسبوع الاقينى زايده 2-3 ك
لحدما وصلت ل 65 ك وبطلت العلاج كله ماعدا حبوب الخميره لانها بتدور الوش وبتعمل خدود وفضلت ثابته على وزنى دا لا بزيد ولابخس
والوصفه دى كنت واخدها من هنا ف المدونة بس مش فاكره اسم العضوه ربنا يكرمها يارب
اى استفسار انا تحت امركم
a7la saso a7la saso فتكات نشيطة Fatakat 690982 المنصوره – القاهره