اهلا بيكم
جبتلكم النهارده وصفه حلوة وسهله وجديده مش بس كده لا كمان صحيه جدا وتنفع للناس اللي بتعمل دايت
وهي فراخ تندوري
مش هطول عليكم وهدخل في الموضوع علي طول
مكونات وصفتنا هي صدور الفراخ
كيلو صدور فراخ سليمه مخليه من العضم بس 3 ملاعق زبادي او نص كوب لبن رايب 3معالق عصير ليمون ورق لوري +ملح وفلفل +جنزبيل بودر زعتر مجفف(اختياري ) نص ملعقه صغيره جوزة الطيب + رشةحبهان (هيل) كركم 3 فصوص توم مبشورين الطريقه
هنقطع صدور الفراخ بعد غسيلها كويس الي مكعبات كبيره او شرائح عريضه
هنا قطعتها وحطيت التوم والزبادي وبقيت البهارات
ونتبلها بالبهارات بتاعتنا ونسيبهافي التتبيله لمده ساعتين او ثلاته في التلاجه وكل ما تقعد اكتر طعمها هيبقي احلي
وبعدين هنطلعها من التلاجه ونحطها في طينيه ونحط عليها ملعقه واحده زيت زيتون ونقلبها
هندخلها الفرن لمده ربع ساعه وبعدين لما تقرب تستوي نحطها تكمل سواها تحت شواية الفرن ونتابعها ونقلبها عشان تاخد لون وتحمر
وده شكلها بعد ما استوت
هنحطها في طبق وزينها زي ما عايزين انا بضيف لها مشروم وفلفل رومي حلقات
صدقوني بتبقي حلوة وشهيه وكمان خفيفه جدا والتوابل بتديها طعم مختلف وغير تقليدي
وده طبقي
وعلي فكرة تنفع عشا خفيف
اتمني تكون سهله وبسيطه وتعجبكم
مواضيع هذا القسم برعاية
دودي المعتصمه بالله دودي المعتصمه بالله 542144_13.gif سوبر فتكات Fatakat 542144 في قلب احبابي – الامارات