السلام عليكم ورحمه الله وبركاته
ازيكم يا احلي فتوكات وكل سنه وانتم طيبين وعيد سعيد عليكم جميعا
النهارده عملت كيكه رووووووووووووعه بجد تحفه كنت شفتها علي قناه فتافيت لمارثا ستيورات اسمها الانجل فود هي كيكه بيضه جدا وهشه جدا جدا وخفيفه اوي مش فيها اي دهون قولت لازم اجربها لان مكوناتها سهله اوي بس المشكله انها كانت بتتعمل في قالب مخصوص ومش موجود هنا قولت بقي اعمل ايه هعملها زي الكيك العادي وخلاص وطلعت ناجحه جدا جدا بس انا عملت نص المقدار بس لاني خفت تبوظ مني
قولت بقي لازم اوريها لاخواتي حبايبي يمكن تستفيدوا منها زي ما انا استفدت منكم كتير ندخل بقي علي الطريقه
مقادير الكيك:
6 بياض بيض
ربع كوب سكر ناعم عادي
نص كوب دقيق
معلقه صغيره فانيليا
غطا خل ونص ليمونه صغننه خالص
وحطيت من عندي معلقه صغيره بيكنج باودر اللي هو كيك شيف
الطريقه بقي
-نضرب بياض البيض كويس جدا ومهم يكون بدرجه حراره الغرفه لحد مايعمل زغاوي كده ويبتدي ينفش وبعد كده نصيف الخل والليمون والفانيلا ونضرب كويس اوي لحد مايجمد وبعد كده نضيف السكر معلقه معلقه وبعدين بقي نضيف الدقيق رشه رشه ونقلب بالمعلقه بالراحه خالص من تحت لفوق علشان مايهبطش
-نجيب الصينيه بتاعتنا وانا حطيت فيها ورق زبده من القاع بس وطبعا ماتدهنيش اي حاجه خالص ونبتدي ناخد بالمعلقه ونحط ونساوي ومعلقه كمان ونساوي علشان مايبقاش في فقاعات او فراغات لحد مانساويها كلها
-نكون مسخنين قبلها الفرن علي 180 وندخلها وهي بتاخد وقت صغنون في السوا ونختبرها زي اي كيك عادي وانا عندي ماخدتش 20 دقيقه ولقيتها استوت
نطلعها بقي ونسيبها تبرد خاااااااااالص براحتها مانجيش ناحيتها وبعد كده نقلبها ونطلعها عادي ونقسمها ونحشيها اي حشو عندنا انا حشيتها بكريمه الفراوله(ضربت كريم شانتيه مع لبن وعصير فراوله وجيلي)وزينتها زي التورته عادي وحطيت عليها جيلي من الوش
وطبعا الصور هتوضح اكتر بأذن الله معلش الصور مش واضحه اوي
شوفتوا بيضه وطعمه ازاي وطريه مووووووووووووووت والله معلش بقي انا كنت مستعجله والله مالحقتش اصور الخطوات حتي زوقتها علي السريع يارب تعجبكم ولو عجبتكم ماتحرمونيش من ردودكم الحلوه والتقييم واي استفسار انا معاكم
سلام ياقمرات مواضيع هذا القسم برعاية
My Precious Star I Love U My Precious Star I Love U 182915_8.gif سوبر فتكات Fatakat 182915 ساكنه في اجمل بيت في الدنيا (قلب حبيبي وتؤام روحي) – في ارض الله الواسعه