السلام عليكم و رحمه الله و بركاته
ازيكوا ؟؟؟ عاملين ايه ؟؟؟
قبل ما الرغى و الكلام الكتير يبدأ ندخل ف الموضوع على طول
انهاردة جيبالكم كفته الحاتى و يارب ان شاء الله تعجبكوا
المكونات :
– كيلو لحمه مفرومة ( 25% دهن )
– 1/8 برغل منقوع مدة ساعتين و متصفى
– معلقة توم بودر و معلقة بصل بودر
– بهارات و فلفل اسود و كمون
– بقدونس
– بشر طمطمايه و بصلة
الطريقة :
نقلب كل المكونات مع بعض ماعدا البقدونس
نضربها ف الكبه كويس
بعدين نحط عليها البقدونس و نبدا نصبعها على سيخ شوي
بعدين نرصها على ورق فويل و نحطهها ف الفرن لمدة نص ساعة
بعد تلت ساعة نفتح الفرن و نحط مع الكفته حتتين فحم مولعين
و بعدين نعمل سلطة الطحينة و سلطة خضره عادية و اكيد كلنا عارفين بتتعمل ازاى
و بالهنا و الشفا
طبعا ما تنسوش التقييم يا احلى فتوكات مواضيع هذا القسم برعاية
سوشن سوشن 1113570_1.gif فتكات نشيطة Fatakat 1113570 القليوبية – مصر