تخطى إلى المحتوى

كتب كتابى على اللى كنت بحبه مع انى مخطوبة

حلمت انى كنت فى مكان زى حديقة الازهر من جوة كان معايا قرايبى ولاد خالتى وولاد اعمامى وغيرهم وماما وبابا والشخص اللى انا كنت مرتبطة بيه قبل كدة (مع العلم انى مخطوبة لشخص تانى ) المهم كل مجموعة قاعدة مع بعضها وانا قاعدة مع الشخص دة لوحدينا عمالين نهزر ونضحك وعادى جدا قدام اهلى زى ما نكون مخطوبين المهم لقيته بيقولى انا هفاتح والدك دلوقتى قلتله مش هيوافق قالى لا هيوافق صدقينى انا هروح اقوله قلتله يا بنى استنى انا عارفة والدى كويس مش هيوافق قالى لا هقنعه وهيوافق وفعلا راح كلمه وفوجئت لقيت والدى وافق ولقيت الشخص دة جة بيقولى باباكى وافق وهنكتب كتب الكتاب دلوقتى قلتله دلوقتى ازاى وفين قالى ملكيش دعوة كل حاجة مترتبة وبعد كدة لقيت بيت قصادى فى نفس المكان خدنى وطلعنا فيه لقيت والدى قاعد والمأذون راح وادى ندة على الشخص دة وقالة تعالى هنا راح عندهم المأذون قاله امضى وفعلا مضى على الورقة وانا واقفة ببص عليهم ومبسوطة اوووووووووى بعد كدة لقيت والدى بيقول يعنى لا خطوبة عملت فيها هيصة (اصل انا فى خطوبتى على خطيبى اللى انا مخطوباله دلوقتى حصلت ظروف ساعة الخطوبة فاتخطبت من غير هيصة ولا حتى زغروطة ) ولا حتى يوم فرح بينتى هعمل فيه هيصة هيبقى سكيتى بردة فلقيته بيقول طب متخلوش قرايبنا اللى تحت دول اللى كانوا معانا يمشوا عشان يزفوكوا وانتو نازلين ويعمللكم هيصة وفعلا نزلنا بس لقيت نفسى نزلة من سلالم بس مش سلالم بيت لا سلالم اللى بتكون فى الحديقة وكلهم كانوا بيهيصوا ويزغرطوا وكان فى اغانى بس انا كنت لابسه طقم بيلمع اووووووووووى بنطلون وبدى (وانا فى العادة مش بلبس كدة خالص انا بلبس ازدال او عباية بس ) المهم هيصنا وفضلنا نرقص انا والشخص دة وكلهم حوالينا بيصقفوا ومبسوطين اووووووووووى بعد كدة لقيت الشخص دة بيقولى يلا نروح قلتلة لا خلينا شوية الجو هنا حلو اوووى قالى لا انا عايز اروح يلا بينا بس دة اللى حصل ( مع العلم ان مستحيل ارتبط بالشخص دة وعارفة انة لو جة اتقدم والدى مش هيوافق عليه عشان مش تربيتنا ولا طريقة عيشتنا وتفكيرنا واحد وكمان انا مخطوبة وفى مشاكل فى خطوبتى وكانت هتتفشكل كذا مرة ومازال لسه موضوع خطوبتى غير مستقر )
الحالة الدينية كلنا مسلمين والحمد لله
هو كنت انا والشخص اللى كنت مرتبطة بيه قبل كدة ووالدى ووالدتى وقرايبى ومأذون
الحالة الاجتماعية الحمد لله ميسور الحال
لا انا مش موظفة انا خريجة
لا انا لسه مخطوبة
يعنى فى شوية مشاكل خاصة
لا لا ارقى رقية شرعية
هو حلم عادى

مقدرش انساك مقدرش انساك 192241_9.gif فتكات نشيطة Fatakat 192241 القاهرة – مصر

لقراءة ردود و اجابات الأعضاء على هذا الموضوع اضغط هناسبحان الله و بحمده

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.