قضي علي هيشان شعرى وتقصفه وجفافه وسقوطه..عايزة تعرفي ايه تعالي ورايا -للعناية بالشعر 2024.

السلام عليكم ورحمة الله وبركاته

انا بلف النهارده ف القسم لقيت الشكاوى كتير من جفاف الشعر وهيشانه وسقوطه

انا كنت زيكم من 6 شهور لحد ما ربنا بعتلي واحدة نصحتني بشوية حاجات

عملتها وقلت مش هخسر اكتر من اللي خسرته

لاني صرفت كتير علي شعرى ومكنتش ببخل عليه ولكن من غير فايدة

فقلت بجملة المصاريفهي قالتلي:

هاتي شامبو ترى سمي بالكرياتين والبلسم بتاعه وحمام الكريم بتاعهم

ومكتوب عليهم كمان انهم بيقللوا سقوط الشعر 7 مرات

وهاتي سيرم اوريفليدو

انا عملت اللي قالت عليه وكانت النتيجة خيالية وظهرت من تاني مرة استخدام

علاوة علي ان حجمهم كبير فلسه مخلصوش من عندى

هما بس سعرهم غالي شوية بس لما تحسبي تكلفتهم علي عدد الشهور اللي بيقعدوا فيها عندك

هتلاقي نفسك بتصرفي نفس المبلغ شهريا ويمكن اكتر علي شعرك

الفرق انك هتجيبيهم مرة واحدة

انا جبتهم من سمير وليم اللي في روكسي ارخص من العزبي

انا كمان بعمل حمام زيت عبارة عن:

معلقة زيت زيتون

معلقة زيت خروع

ومعلقة زيت جوز هند

وبحطهم في حمام ميه دافي وبعدين ادلك بيهم فروة راسي كويس

والبس شاور كاب لمدة ساعة قبل غسيل شعرى

وبعدين اغسله

الحقيقة يا بنات والله شعرى اتقلب180 درجة كانه شعر واحدة تانية

السيرم ريحته تحفة وبيخلي شعرى بيلمع

الكوافير وهوه بيعمل لي شعرى اخر مرة بقي يسالني بتستخدمي ايه الشعراية طرية جدا ف ايدى

كمان لما بعمل بيبي ليس مع استخدام السيرم بالقي شعرى طرى وبيلمع جدا وشكله تحفة وطبيعي جدا

انا حبيت اشارك تجربتي معاكم يمكن اقدر افيدكم بحاجة

لان فعلا شعرى كان وصل لدرجة ان شكله زى ما يكون محروق وبلبس

ايشارب ف البيت من كسوفي من منظره ومش عايزة جوزى يشوفه

انما دلوقت الالف حمد وشكر اكتر من كده ابقي بنهب



ام3بنات ام3بنات 456883_3.gif سوبر فتكات Fatakat 456883 القاهرة – مصر

سبحان الله و بحمده

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.