اولا
اللهم صل علي سيدنا محمد كما امرت ان يصل عليه
اللهم صل علي سيدنا محمد كما ينبغي الصلاه عليه
اللهم صل علي سيدنا محمد عدد من يصلي عليه
صباحكم ومساكم فل وياسمين يا احلى فتوكات
يارب يا حبايبى تكونو دايما بخير
عملت قرنبيط بالصلصه باللحمه المفرومه
وطلع هايل وعجب الولاد قولت اذيع لانى كل حاجه بصورها
ولو طلعت حلوه بذيعها على فتوكاتى الاعزء
1- قرنبيطه متوسطه الحجم
2- ربع كيلو لحمه مفرومه ومعصجه
(بصله مفرومه وفى معلقتين زيت وصفريها وانزلى باللحمه وبعد السوى ملحيها)
3- فصين توم وملح وفلفل وكمون
4-كيلو طماطم معصوره
الخلطه لقلى القرنبيط (3معلقه دقيق ونصف كوب ماء وملح وفلفل وقلبيها وحطى القرنبيط واقلى فى الزيت)
اولا هاتى القرنبيط وقطعيه وردات صغيره واسلقيه اعملى خلطه اللى كتبتهالك فوق واقلى فى الزيت
رصى نصف كميه القرنبيط المقلى فى الصينيه
ضيفى اللحمه بعد ما تكونى عصجتيها
ضيفى باقى القرنبيط
افرمى فصين التوم وصفريهم فى معلقثتين زيت ذره
انزلى عليهم بالطماطم المعصوره وملحيى وتبلى الصلصه وبمجرد ما تحطى
العصير على التوم حطيها على طول على القرنبيط يتسبك ويستوى مع بعض ويتشرب منه
ممكن تسوى على البوتاجاز من فوق ولمل تتسبك دخليها تحت
الشوايه تحمر الوش وممكن تدخليها الفرن
استنى يا قمر منك ليها اركبى التوكتوك بتاعى واطلعى قيمى لوعجبك
ولو ما عجبكيش اطلعى وحساب عليا وامرى لله
مواضيع هذا القسم برعاية
رفيده بنت سعد رفيده بنت سعد 751555_20.gif سوبر فتكات Fatakat 751555 مصريه وافتخر – مصر