السلام عليكم ورحمة الله وبركاته
ازيكم يا احلى فتوكات
دى طريقه جديده لعمل القلقاس بخلاف الطريقه اللى متعودين عليها سواء بالسلق او صينيه بالصلصله من ايدين الشيف شربينى .
وعجبت الاولاد جدا ( وبينى وبينكم هما اصلا مش بيحبوا القلقاس وكنت بضحك عليهم واقولهم عليها بطاطس اعمل ايه يعنى المضطر يركب الصعب .)
نيجى للطريقه :
واحده قلقاس
حبه فلفل رومى
حزمة كسبره خضراء
ومن عندى بقى ضفت جزره مبشورة
بيض — بقسماط — دقيق — شويه لبن
زيت غزير للتحمير
الطريقه :
اولا نعصج اللحمه بالطريقه المعتاده مع اضافه حبه الفلفل الرومى والجزره المبشوره والكسبره وفى نفس الوقت نكون مقطعين القلقاس مكعبات بدون غسيل طبعا ونحمره فى الزيت نص تحمير
وبعدين نضيف القلقاس على اللحمه المفرومه ونهرسهم كويس اوى وفى الاخر نشكلهم على هيئه قرص متوسطه الحجم ونحطهم فى الدقيق وبعدين البيض عليه شويه لبن ثم البقسماط ونحمرهم فى زيت غزير ساخن .
بالهنا والشفا جربوه هيعجبكم اوى وهيعجب اولادكم اللى مش بيحبوا ياكلوا القلقاس واهو تغيير بردوا
اسيبكم مع الصور ومعلش صورة القلقاس وهو متحمر مش راضيه تنزل مش عارفه ليه .
مواضيع هذا القسم برعاية
الاخت نهى الاخت نهى سوبر فتكات Fatakat 758077 القاهره – مصر
