السلام عليكم يا فتوكات
بعد طووووول غياب جيت لكم بس ومش ايدى فاضيه
هاقولكم معايا ايه بس لازم لما تدخلى المطبخ تكونى عامله كده
علشان نفسك فى الاكل يطلع على السلالم زى بالظبط
الاول انا عملته لانى زهقت كل يوم اطبخ والجو حر مبقاش عاوز مسبكات
ثانيا بنتى فى المدرسه هيه كمان زهقت على اخر السنه
ثالثا تنفع لزوجك كمان فى الشغل
اما اقول بقى اصل اضرب
الاول بسم الله وتوكلت على الله لانه كله كان فى يوم واحد علشان كده ربنا اكرمنى وعجبهم اوووووى
ماعدا العجيه كنت بتسلى فيها بالليل
الاول عملت
سبرينغ رول
كبه
عرق بارد
سلطه
معجنات ,, عجينه البف بسترى,, وان شاء الله من سهولنتها كلنا نعملها لانها كانت بتعقدنى بصراحه
يعنى افرد العجين وبعدين احط جواه زبده دى كانت مستحيللللللللله بالنسبه لى
وكنت برميها بس الطريقه دى واااااااااو بجد هو طبعا بتتباع بس لما بتعملى بايدك وضع تانى برده
يلا بسم الله
ده الاسبرنغ رول هنحتاج صدر فرخه وجزر مبشور وبصل وليمون وفلفل وملعقه دبس رمان وجبنه موزاريلا
هاحط البصل يدبل على النار
هاحط بقى الفراخ تتشوح مع البصل
حطيت معلقه دبس رمان وطريقته عرفتها من صاحبتى سوريا هيه بتجيبى رمان كتيررررر اوى وتقطيعه بقشره بحاله وتحطيه 3 ايام على نار هاديه هايبقى عجين تهرسيه وهو ده دبس الرمان صعب اوووووى يعنى عاملالى ازازه ميه صغيره بتحلف انهم 15 كيلو بجد على فكره مش بهزر
معلش صوره فلتت مش متصغره بس هنا انا ضيفت باقى الخضارر
دى عجينه سبرينغ رول وممكن تعملى جلاش لو حبيتى كده
خلاص بقا هنا انا لفيته وقفلته بدقيق مدوب فيه شويه ميه علشان ميفكش
دى بقا العجينه اللى عملتها ومقاديرها بالجرام وانا حولتها كمان بالكوبايه علشان اللى معندوش ميزان
450 ج دقيق
375 زبده درجه حراره الغرفه
شويه ملح
250 ميه
انا قسمتها لانى خفت تطلع مش حلوه بس طلعت وااااااااو بجد
بالكوبايه بقا
2كوب الا ربع دقيق
نص كوب زبده مربعات
تلات اربع كوب ميه
شويه ملح
لو هاتعملى كرواسون حطى خميره
زى ما قلتلكم دى نص المقادير اللى هيه بالكوبايه هاتعمليه كلها ضاعفى المقدار
حطيتهم فى ماكنه البروان بتاعت البصل دوبت الدقيق مع الزبده وحطيت الملح والميه
والله ما احتاجت اى شىء
هاتقفليها زى الكتاب فى الاول
وحطيها فى التلاجه
وكل تلت ساعه افردى واتنى بس اهم شىء الزبده تمسك فى لتلاجه
ومع الفرد دقيق طبعا
هاتعملى كده 6 مرات علشان كده عملتها قبلها بيوم
وممكن للفطير كمان تتعمل دى عجينه البف بسترى السريعه للشيف محمد اورفلى ودى كلها وصفاته على فكره
دى كده انا فردتها بالدقيق
وبعدين تنيتها تانى
هنا بقا بعد ال6 مرات فرد ولم قسمتها وعملت واحده رول وبرده ع التلاجه
هاحشى بقا زعتر مع زيت زيتون وجبنه كيرى وكرافت وكل اللى تحبيه وكمان لحمه وكمان اللى باقى من الاسبريج رول
هنا انا طلعتها من التلاجه وقطعتها واوقفها وبعدين افردها بالنشابه
افعلى بقا ما يحلو لكى
ودخلتهم الفرن وكانت الريحه وااااااااااااااااااو
انا بس محتاجه اشقرهم
كمان جبنه كرافت مع زعتر بس قفلتها زى القطايف كده
بليز يا فتوكات محدش يرد علشان الموضوع يبقى على بعضه
هاكمل المشاركه اللى جايه ان شاء الله
يا بنات لو سمحتم اكل ازاى افتح موضوع جديد لان الصور كتير واولل مره اعمل كده ياريت حد يفيدنى بس بسرعه مواضيع هذا القسم برعاية
haneen_75 haneen_75 90893_1.gif فتكات ست الكل Fatakat 90893 جده – المملكه العربيه السعوديه