مساااااااااااااااااء الفل يافتوكاااااااااااات
النهارده عملت فراخ مشويه علي ازازه بتتبيله جديده مع ارز بسمتي وسلطه زبادي وطلعوا تحفففففففففففه
نبتدي بقا الطريقه
اولا : الفراااااااااااخ
بصوا بقا بعد تفحيص وتمحيص دي بجد احلي تتبيله للفراخ المشويه بجد تحففففه
المقادير :
علبه زبادي
ماء 2 بصله متوسطه
3 فصوص توم
ربع كبايه عصير ليمون
3 معالق خل
3 معالق زيت
3 معالق صويا صوص (ولو مفيش مش مشكله)
نيجي بقا للبهارات
من كل حاجه من دول هنحط ملعقه صغيره اوكي؟
معلقه ص بهارات فراخ من عند العطار
معلقه ص جنزبيل مطحون
معلقه ص حبهان مطحون
معلقه ص بابريكا
معلقه ص كركم
ملح – فلفل اسود – كمون
الطريقه :
هنخلط المقادير كلها مع بعضها
وهنتبل الفراخ كويس جدا جداااااا من جوه ومن بره ومن تحت الجلد ونسيبها علي الاقل 3 ساعات ولو عندك وقت ممكن تتبليها قبلها بليله بس انا بعملها قبلها ب 3 ساعات وبتبقي تحفه
دي ازازه زيت زيتون فاضيه عندي مخلياها للفراخ علشان حجمها كبير شويه ولو عندك ازازه بيبسي بررررررده مفيش مشاكل
هنملي نصها تقريبا ميه كده وياريت لو ميه مغليه علشان متاخدش وقت علي ماالميه تسخن جوه
هنلبس الازازه الفرخه الموزه بتاعتنا كده وانا بحط تحتها بطاطس بتبقي روعه .. هنزود شويه ميه بسيطه علي البطاطس علشان ماتنشفش وممكن تحطي اي خضار انتي بتحبيه
هنا بعد مادخلتها الفرن انا عندي الفرن 60 سم لانه بيلت ان ف لازم احطها تحت .. لو فرنك كبير ممكن ترفعي الشبكه فوق شويه .. وعلي درجه حراره 200 هتسيبيعا تتدلع براحتها خااااالص .. انا معايا بتاخد حوالي ساعه ساعه وربع بكتير
هنا بقا بعد ماطلعت من الفرن ولونها بقي تحفففففه زي ماانتو شايفين اهو
نيجي بقا لطريقه الارز البسمتي
كبايتين ارز بسمتي
ملعقه ص قرفه
ملعقه ص حبهان مطحون
5 سنون قرنفل
بودره زعفران (او كركم لو ماعندكيش)
مكعب ماجي
شويه زيت
ملح – فلفل
هنحط ميه في حله لحد ماتغلي وهنحط كل المقادير ماعدا الزعفران
نسيبها تغلي غلوه وبعدين نحط الارز ولو لقيتي الميه كتير قلليها شويه علي اد الارز
نسيبهم كده مع بعض دقيقتين وبعدين نحط الزعفران وتغطي الحله كانك بتعملي ارز عااااااااادي
بعد مايستوي هنعمل ايييييييييييه؟؟ هتجيبي شويه زيت تسخنيهم وتحطيهم في اي طبق معدن صغير عندك
وتولعي فحمه وتجهزيها
وبعدين هنحط الطبق بالزيت جوه حله الارز ونحط الفحمه علي الزيت ونغطي الحله بسرررررررعه ونسيبها دقيقتين وبسسسسس
ودي النتيجه النهائيه يابنات .. بجد الاكله دي تحففففففه وسهله جدا جدا
تعملي بقا جنبها طبق سلطه زبادي وبألف هنا وشفااااااااااااااااا
مش هطلب غير دعوه حلوووووووه كده وياريت اللي في توقيعي يبقي ربنا يخليكم ليا
لو عجبك الموضوع ياريت تقيمي علشان غيرك يشوفه
في امان الله
مواضيع هذا القسم برعاية
Yoka Shash Yoka Shash 771414_3.gif فتكات هايلة Fatakat 771414 Cairo – Egypt