السلام عليكم ورحمة الله بركاته
النهاردة جايبالكوا طريقة عمل الفاهيتا وهى سهلة اوى وتحضيرها مش بياخد وقت خالص
المقادير
نص كيلو صدور فراخ مقطع شرائح طويلة و2 فلفل الوان وبصلة متوسطة مقطعة جوليان وكسبرة خضرة
توابل الفاهيتا
معلقة صغيرة ملح
1 معلقة صغيرة فلفل اسود
1 1/2 معلقة صغيرة بابريكا
1/2 معلقة صغيرة ثوم بودرة
1/2 معلقة صغيرة بصل بودرة
1 1/2 معلقة صغيرة شطة حارة
1/2 معلقة صغيرة كمون
بشر ليمونة خضراء
او ممكن تشترى بهارات فاهيتا جاهزة
الطريقة
هتتبلى الفراخ ببهارات الفاهيتا وعصير الليمون لمدة ساعتيت عالاقل
هتجيبى طاسة تيفال واسعة وتسخنيها كويس اوى وتحطى زيت قليل اوى وتنزلى بالفراخ وتقلبى بسرعة
لحد ما الفراخ لونها يبقى دهبى كدا وحلو وهتكون استوت
هاتشيليها من عالنار وتحطى مكانها البصل وتشوحيه بسرعة برده
وبعد كدا تضيفى الفلفل وتقلبى تقليبتين وترجعى الفراخ تانى وتزودى شوية بهارات كمان
وممكن تزودى مية قليلة اوى فى المرحلة دى وتسيبها تغلى شوية
او ممكن تضيفى الكسبرة الخضرة على طول وتنزليها
وتعمليها سنداويتشات بعيش التورتيلا و تدهنيه بساور صوص لو عندك
وبالهنا والشفا
مواضيع هذا القسم برعاية
فتوكة حلوة2 فتوكة حلوة2 images/avatars/peppers.jpg فتكات هايلة Fatakat 727803 بلد من بلاد الله – بلد من بلاد الله