ازيكم حبيباتى انا حبيت اشارك معاكم واحاول اخفف معانة كتير مننا مع أولادها
انا اولادى يوم ما اعمل السمك ممكن يعيطوا وكانت دى مشكلة كبيرة لأن السمك ليه فوايد لا تعد ولا تحصى
شغلت الفوكيرة وجبت سمك فليه وعملته والعيال أفتكرته فراخ وانا سوقت فيها وقولتهم أيوة دى فراخ
تعالوا معايا نشوف المقادير والطريقة وبعدين نكمل رغى
12 كيلو سمك دراك أو قاروس فيله (يقطع مكعبات مناسبة)
2حبة بصلة كبيرة مبشوورة
عصير 2 ليمونة
بقدونس مفروم كمية مناسبة
3 حبات طماطم مقطعة صغيرة
2 حبة فلفل أخضر مقطع حلقات
4 فصوص ثوم مفروم
ملح – كمون – باربيكا – معلقتين كبار زيت
عود كرفس مفروم أو شبت ان وجد
ده شكل السمك بعد التقطيع
ميزة السمك ده ان لحمه ابيض ومش بيبقى فيه زفارة خالص
كمان ممكن تعمليه شيش طووك ان شاء الله ابقى انزله فى موضوع منفصل
بعد ما قطعنا كل حاجة ناخد كل المقادير على بعض لخبتيطا وعالطوووول على الصينية بتاعتك
وحتبقى بالشكل الجميل ده
كمان مرة
وتدخل الفرن حوالى نص ساعة على حسب الفرن بتاعك
والله يا بنات ريحتها بتبقى تحفة غير طعمها والعيال حتقول عاوزين فراخ كل يوم وانتى قولى من عنيا واعملى سمك
يا رب الوصفة تعجبكم وأمانة تدعولى ربنا يهدى أولادى ويبارك فيهم هما وأولاد المسلمين أجمع
مواضيع هذا القسم برعاية
الأستااااذة الأستااااذة 462931_22.gif اللـ غفرانك ـــهم Fatakat 462931 الاسكندرية – مصر