بسم الله الرحمن الرحيم
اولا صلوا على النبى (( اللهم صل وسلم وبارك على سيدنا محمد واهله وسلم ))
الموضوع دة عن تجربة شخصية لاختى واى استفسار هى جاهزة انا هنقلكم الموضوع زى ما هى كتباه
عندى حل للدمامل الكبيرة اللى بتطلع بالجسم
قبل أى شئ هذا من فضل ربى علي انا كان عندى دمامل بتطلعلى دايما فى مكان المقعده (المؤخرة) وعند فخادى من الخلف وكنت بتألم قوى قوى وكانت دايما بتجيلى قبل البريوت (الدوره) كنت بعرف اصلا ان البريوت هتجيلى من الدمامل وكانت بتالمنى ىساعات لدرجه انى مكنتش بعرف اقعد على الكرسي كنت فعلا بتعذب منها ودوخت على الدكاترة روحت لدكاترة جلديه وروحت لدكاترة مناعه وروحت لدكاترة بطن يعنى من الاخر لفيت على كل الدكاترة وقعدت عندى الدمامل حوالى 6 سنين بتعالج واخد مضادات حيويه لكن مفيش اى فايده اول ما المضاد الحيوى يخلص ترجعلى تانى انا كان ساعات يطلعلى ب ال 5 مع بعض منهم الصغير ومنهم الكبير قوى اللى بيبقى مليان صديد ده غير معاناتى لما كنت انظر لنفسي فى المرأه لانها كانت تترك أثار سوداء وكان مؤخرتى وفخدى عبارة عن بقع سوداء كبيرة وبعدين قولت ادخل على النت ادور يمكن حد يكون مر بتجربتى مع العلم انى خلال السنوات الماضيه كنت ابحث عن حل لمشكلتى ايضا عن طريق النت لغايه ما لقيت واحده كاتبه المقاله دى عن تجربتها وعن شفائها بحمد الله جزاها الله خيرافقولت لازم اكتب انا كمان عن صدق هذه التجربه ( الحمد لله والفضل لله وحده ) وقولت أشيرها ثانى وثالث عشان اى حد بيعانى من الموضوع ده او يعرف حد يعانى منه يقوله على الطريقه بالظبط وإن شاء الله ربنا يشفى جميع المرضى
الطريقة:::::
1- تلبسي قلوفز وتغسلي المنطقة المصابة بالدمامل بغسول ديتول تبع الجسم وتحاولي تفركي المنطقة المصابة بالغسول……..مرة بالصباح ومرة بالمساء.
ملحوظه قلوفز (القفاز) جاونتى يعنى البلاستيك ده اللى بيتباع فى الصيدليه
2-تحطي من المحلول المعقم بيوفيدين ايودين بالقطنة تاخذي شوي وتمسحي على الدمامل
مرة بالصباح ومرة بالمساء ملحوظه (المحلول المعقم ده اللى هو بيتادين الاحمر ) بس خدوا بالكم المحلول ده متستعملهوش بعد كده كتير او علطول عشان مضر هتلاقى حتى مكتوب عليه من برة أستعمليه بس مده الكورس ده انا بصراحه زود يومين من نفسي مشيت على الوصفه 11 يوم لكن بعد كده معندش بستعمله عشان مضر لو استعملتيه كتير
3-تحطي من كريم مضاد حيوي فيوسيدين مرة بالصباح ومرة بالمساء
الكورس هذا يستمر لمدة 9 ايام….وبعدها انشالله ودعي الدمامل……..
الوقاية::عشان تضمني انو الدمامل ماترجع ابدا……تحاولي تدخلي الغسول الديتول ضمن الشاور تبعك…يعني تغسلي كل جسمك بالغسول او الصابونة اللي انتي متعودة عليه…لكن المؤخرة تغسليها بغسول ديتول..فقط المؤخرة.
لما تجلسي حاولي انك ماتجلسي على الكرسي الصلب او الارض بدون ماتحطي تحتك اسفنجة..يعني زي الPILLOW…لان الارض القاسية او الكرسي القاسي بيضغط على الجلد ويطلع الدمامل…
aa83 aa83 فتكات متميزة Fatakat 292574 بورسعيد – مصر