السلام عليكم ياقمرات
وحشتونى اوى انا بقالى فتره مش بدخل مشغوله فى تجهيزات الفرح وامتحاناتى ادعولى ربنا ينجحنى ويتمملى على خير
بصو انا عامله الموضوع ده عشان اقولكم ماتشيلوووووش هم خالص ياعرايس طالما توكلتى على الله يبقى خلاص اعرفى ان كل حاجه هتمشى تمام
انا كنت شايله هم الستاير اوى وعماله اقول لسه هجيب قماش وافصل ومقاسات والراجل يقرفنى وووووو بس والله ربنا ده كريم اوى
انا نزلت امبارح الوكاله عشان اجيب قماش الصالون والسفره بتوعى للنجار عشان يتنجدو المهم يا بنات خدت جارتى معايا ربنا يباركلها دخلنا محل كبير فى الوكاله جبت منه قماش الفرش كله وقماش الستااير كلللللله انا كنت بقول على عرض الحيطه او الشباك وهو يحسب ويقطع وخدنا القماش ونزلنا خطوتين بالظبط المحل اللى جنبه اشترينا السجا بتاع الستاير وكل الاكسسوارات وطلعنا عند نفس الراجل بس فى مكان فوق بيفصلو هو مكان فيه حوالى 5 شباب وايديهم سريعه جدا كنت اوريه الموديل ع الموبيل او فى الكتالوجات عندهم وهو يفصل ويدى للى بعده يكويهم ويطبقهم ويحطهم فى اكياس ويلفهم والله بقيت قاعده مش مصدقه اللى بيحصل والتفصيل كله خد مننا ساعتين لا وكمان بيفصلو المتر ب 4 جنيه وقمة النضافه والزوق لانهم ناس متمكنين وشغالين 24 ساعه
والحمد لله والشكر لله لحد دلوقتى مش مصدقه انى كنت نازله اجيب فرش الصالون وعملت الستاير واتكوت واتكيست فى نفس الوقت وزى منا عاوز بالظبط والتكلفه اقل من كنت ماانا حاطه بكتييييييييير
بس اخر حاجه لازم تفاصلو وتفاصلو جاااااامد يعنى يقولك ب100 تخديه ب 50 و 40 انا جبت قماش قشر السمك ده لانى هعمله مخدات قالى المتر 130 خدته ب 65 والحمد لله كان معانا واحد بردو معرفه من هناك ساعدنا كتير
يارب تكونو استفدتو وتدعولى دعوة حلوة
haneen gouda haneen gouda 956992_1.gif فتكات هايلة Fatakat 956992 القاهرة – مصر