بسم الله الرحمن الرحيم
يا رب لك الحمد كما ينبغى لجلال وجهك وعظيم سلطانك
اولا اشهد الله ان كل المعلومات التى سيتى ذكرها فى الموضوع من واقع حياتى وانه لا يوجد لى مصلحة من قريب او بعيد فى هذا الموضوع غير ان اخواتى يستفيدوا منه
لانى مر على ايام كثيرة فى حزن ومعاناه نفسة بسببها وارجوا الله ان ينفعكم بها
زوجى مر باصعب مرحلة فى حياته
فى يوم قام الصبح علشان يروح شغله ولكنهلم يقدر حتى يضع رجله ع الارض
قولنا شد عضلى طب مسكنات طب حقن قوية ولا كانه بياخد حاجة
تانى يوم مش قادر يمشى نهائى حتى للحمام الالام لا تتاق
احنا نعرف دكاترة للعظام كتير فى وسط البلد لكنه الحمد لله مكنش قادر ولا يقعد فى عربية ولا يمشى
المهم روحنا لدكتور جنب البيت مباشرة بصعوبة بالغة
شخص انه غالبا عرق نسا وعرق النسا دة لازم يكون مرتبط بانزلاق فى احدى الفقرات لان الانزلاق فى الفقرة بيكون ضاغط على هذا العصب مما يتسبب فى الالام صعبة جدا ولا تطاق
وعلى فكرة اسمه عرق نسا بفتح النون ويعنى من كتر الالام المبرحه ينسيه ما حوله وينسيه كل شىء فى الدنيا الا الالم والعياذ بالله
المهم باختصار
روحنا لعديد من الاطباءاثنين منهم شددوا على ضرورة اجراء جراحة سريعة لازالة الانزلاق حتى يزال الالم من على العصب
واخرين قالوا فى امل فى العلاج
فجربنا العلاج وكان الحمد لله فى تحسن لكن ببطئ
لكن الحمد لله كنا فين
المهم ان دكتور العلاج الطبيعى يقول هيتحسن بالعلاج الطبيعى ودكتور العظام قال ممكن علاج ودكتور الجراحة يقول جراحة
بصراحة احترنا جدا كل دكتور نروحله يقول ان عنده الحل فحصل لنا لخبطة
وكان كل دكتور ينكر على غيره العلاج بتاعه يعنى دكتور العظام يقول علاج مش علاج طبيعى لانه خطر
دكتور الجراحة يقول جراحة ومينفعش علاج او علاج طبيعى
ودكتور العلاج الطبيعى يقول لا مش محتاج جراحة وممكن يستجيب للعلاج الطبيعى
المهم احترنا جدا وفكرت ابعت تقرير الرنين برة مصر علشان يقولول الراى الفصل
اثناء كل دة نصحتنى احدى قريباتى بدكتور فى القاهرة عنده مركز اسمه مركز علاج الالم
وروحنا لاننا من اسكندرية
عمله اختبارات معينه وبعدين كتبله علاج وقالنا ان مفيش حاجة برة دلوقتى اسمها عملية غضروف وانها لو تمت بتكون على مسؤلية المريض وغير مضمونه النتائج طبعا الا فى حالات معينة
الحق يقال ان زوجى بفضل الله كان قطع شوط فى العلاج وكان فى نسبة تحسن
لكن الحمد لله الدكتور كتبله علاج لمدة شهر وقالوه لو لا قدر الله مفيش تحسن فى بدائل او مراحل تانية غير العملية طبعا
الحمد لله زوجى بفضل الله ثم الدعاء والصدقة كما فى السنة النبوية اتحسن كتيير
واما الحمد لله وجدت لتحسن دة اتبسطت كتير وافتكرت المعاناة اللى كنت فيها انا وهو
لانه قعد من الشغل شهر ونص تقريبا وكان الموضوع بالنسبة لينا مبهم ومحير وكان دة مخلي نفسيتنا تعبانة بالاضافة اللى الالام اغير محتملة حقيقى
لانى قرات عن الموضوع دة فى النت وفعلا الامه رهيبة وعلاجه محير
الحمد لله على كل حال
واى اخت تحب تسال عن اى تفصيل انا تحت امرها
ام الفستوكة ام الفستوكة فتكات نشيطة Fatakat 431296 الاسكندرية – مصر