ازيكم ياقمرات
انا عملت عزومه ل 16 فرد ولوحدي كمان محدش كان مصدق بس الحمدلله عملتها وكان تجنن والاكل عجب الكل ودي صورة الاكل كله
المنيو
كانت عباره عن ايه
رز كبسه
كفته مشويه
فراخ مدخنه (سموكي)
مكرونه نجرسكو
سلطات
سويسرول لحمه بالبيض
جلاش باللحمه
نيجي بقي لطريقه العمل
الكبسهدي لو هتعملي مقدرا لكيلو رز
هنجيب ربع دورك خلاط فيه بصلايه ع طماطم تملا الربع كده وبعدين نعصرهم وبعدين نحطهم في الحله
وعليهم بهارات الكبسه الي هيا كركم كتري منه علشان هو الي بيدي معلقه كبيره وقرنفل والقرفه ورق اللورا والحبهان وبعدين نحط الرز ونزودها مايه ونسويه كانه رز عادي
وعملت سلطه الكبسه بتاعه المطاعم الي هيا
بتجبي الخلاط وتحطي فيه بصلايه مع طماطميا
ومعاهم معلقه خل وملح وبعدين تبشري عليهم جزاريه وخيرايه وبالهناء والشفا
الكفته المشويه بس انا عملتها في عيدان الشيش طاووق وكانت شيك
جيبت اللحمه المفرومه وفرمت بصل وفلفل اخضر
وكل البهارات الي عندي وقلبتها كويس وجبيبت المعلقه الي هيا الخشب وبدات الف اللحمه عل العصايه بتاعتها وحطيتها في الصنيه وفيها شويه زيت ودخلتها الفرن واول مااستوت بكون مولعه فحمه احطها في ورقه المونيوم واحطها في نص الصنيه واجيب شويه زيت صغننه من الصنيه الي هو بينزل من اللحمه واحطه ع الفحمه واغطي علللطول علشان الدخان يملا الصنيه ويدي طعم حلو وكانت روووووعه
والي جمبها
الجلاش باللحمه
هتجيبي لفة جلاش وقطعيها شرايح بالطول وخدي حته افرديها واحطي اي حشوه وبعدين دخليها الفرن 10 دقائق وخرجيها اسقيها باللين وشويره وتحطي عليهم فلفل اسود وكمون وتسقي بيها وتدخليها الفرن تاني تاخد وش وبالهنا والشفا
الفراخ المشويه بقي
الخلطه المعتمده عندي
بجيب الخلاط احط فيه عليتين زبادي وكل البهاااااارات وخل ولمون وطماطم وفلفل اخضر واضربهم جامد وبعدين صبيتهم ع الفراخ وبعدين سيتها يتبلو بتاع 4ساعات براحتك يعني
وبعدين سلقتها في الخلطه بتاعتها وبعدين طلعتها حطيتها ع الشوايه
ركزوا بقي في الحته دي علشان هيا دي تكة الفراخ المدخنه
بعد ماهتحطيها ع الشبكه واستوت هترصيها ع الشبكه وع صاج الفرن هتحطي ورقه فويل وتكوني حاطه عليها معلقه عسل اسود ومعلقه شاي ومعلقه سكر ومعلقه قرفة وتحطيها ع الورق الفويل وطبعا هتكوني مولعه الفرن من تحت والشبكه هتبقي فوق الورقه علطول علشان تاخد الريحه طبعا الدخان بيقلب الدنيا بيبقي كتيررررررر بس النتيجه هتخليكوا تستحملوه وبعدها علشان تعرفي الخلطه خلصت ولا لاء هتفتحي بعد شويه الفرن هتلاقي الورقه حجرررت يبقي كده الخلطه خصلت وبالهنا والشفا ممكن تبقي تولعي الشوايه تديلها لون مش اكتر بس بجد تجنننن
المكرونه النجرسكوا هيا هيا المكرونة الباشميل بس بدل الللحمه المفرومه هتبقي صدور فراخ وبنفس التتبيله كمان
هنجيب الحله وتحطي السمن والزيت وبعدين شويه دقيق وتقلبي بالمضرب كويس وتنزلي باللبن انا وتكون مجهزة المكرونه المسلوقه وتكوني مجهزة الصدور الي مقطعها وتشوحيها وبعدين وترصيه طبقات وبالهنا والشفا
وتعملي لسان عصفور
واي سلطه انتي عاوزاها
السويسرول لحمه بالبيض
هتجيبي اللحمه المفرومه وتبليها بالبصل والفلفل والبهارات وبعدين هتجبي ورقه فويل وتفردي اللحمه عليها وتحطي البيض المسلوق مش متقطع هتحطيه صحيح وتلفي اللحمه كويس بالفويل وتجيي صنيه فيها مايه وورق لورا وتحطي لفه اللحمه فيها وتسيبها بتاع ساعه كده لحد ناتجمد وبعدين تسبيها تبرد وتقطعيها بتبقي شكلها رووعه وطعمها اروع
الحلو بقي
كنت عامله كيكة شكولاته وكنافه كب
كيكه الشكولاته هقولكوا مقدرار الصنيه
هتجيبي الخلاط تحطي فيه كوابيتين لبن ومعلقه فانيلا
وعلبه كاكاو وكوبايه زيت وكوبايه سكروتضربي جامد
وبعدها تشيلي شويه علشان ده صوص الشكولا الي هنحطه لما الكيكه تستوي
تشيلي بتاع كوبايه كده وبعدين تنزلي بخمس بيضات في الخلاط ع الباقي بتاع الصوص ده وبعدها تجيبي تلت كوبايات دقيق بقي وتقلبيهم بالصوص ده وتدخليها الفرن واول ماتخرج اسقيها بالصوص الي شيلتيه
الكنافه الكب
هتجيبها كنافه شعر وبعدها بقيت خاخد شويه والف ع ايدي واحطها في صنيه الكب كيك ولما حطيتها في الفرن طلعتها سقيتها شربتات وبعدين رشيت عليها سوداني مكسر بالشكولا وقدمتها
انا والله تعبت في كتابه الموضوع وعليا امتحان بكرة بس قولت انزلكوا الموضوع الاول علشان بحبكوا
ادعولي بالنجاح والتوفيق
وادوعلي ربنا يتتم ليا انا ومصطفي ع خير
بحبكم اوووي
واي سؤال تحت امركوا
مواضيع هذا القسم برعاية
اسماء حبيبة مصطفي اسماء حبيبة مصطفي 470218_4.gif فتكات رائعة Fatakat 470218 مع حبيبي 🙂 – مالكوش دعوه 🙁