السلام عليكم يا قمرات
النهاردة جايبالكم طريقة لعمل البيض
ينفع للعشا او الفطار و بيكون تغيير حلو كمان غير البيض العادى
و بصرحة حلوة اوى للى عندهم اولاد مغلبينهم فى الأكل
يعنى مش هيحسوا بوجود الكوسة خالص
و ممكن تتاكل من غير عيش من غير حاجة ( انا بعمل كده )
و ممكن باى طريقة من اللى هتشفوها فى الموضوع ان شاء الله
انا مش هارغى كتير و ادخل على المفيد على طول ان شاء الله
يلا بينا نبدأ
بسم الله
المقادير :
5 بيضات
3 كوسات صغيرين او متوسطين مبشورين
معلقة صغيرة بيكينج باودر
بصلة مبشورة
1/3 كوباية دقيق
ملح و فلفل اسود
خضرة مقطعة اللى تحبيه ( يفضل نعناع و بقدونس )
( وينفع تحطى نعناع ناشف لو مفيش طازة )
هنحط البصل المبشور على الكوسة المبشورة و نقلب
و بعدين نضيف عليهم الخضرة
و نسيبهم على جنب
و نحط البيض مع الدقيق مع البيكينج باودر فى بولة تانيه و نخلطهم
و بعدين نضيف الملح و الفلفل
و بعدين نضيف خليط الكوسة و البصل و الخضرة لخليط البيض
و نقلبهم مع بعض كويس
نسخن المقلاة و نحط فيها زبدة
او زبدة و زيت حسب الرغبة
و نحط جزء من الخليط
( لان المقلاة بتاعتى كبيرة عملت الخليط ده على مرتين لو المقلا بتاعتك اصغر يبقى ماتكتريش عشان البيض يستوى مظبوط )
و لما ينشف من تحت و يتحمر شوية اقلبيه كانك بتعملى بيض أومليت عادى
و قدميه بالطريقة اللى تحبيها
يا تقدميه كده قرص
بصى سمكه مش كبير ازاى
ممكن كمان تقطعي مربعات عشان يبقى اسهل فى الأكل
انا عملته بقطاعات الكوكيز
هنا رشيتها بالنعناع الناشف قبل ما اقدمها مباشرة
باقى الصور المشاركة اللى جاية يا قمرات مواضيع هذا القسم برعاية
zatoona magnoona zatoona magnoona 479996_3.gif سوبر فتكات Fatakat 479996 jeddah – saudi arabia