طبـعا بما ان النهاردة اول ليلـة في شعبان وشهر بالظبط على رمضـان قولت نبدا بقى نسقي الزرع لرمضـان شويـة افكار كدة سهلـة ويارب يارب ننفذ منها اللي نقدر عليه والله افكار سهـلة اوووووي ومتوفرة بس ثوابهـا كبير اوي عند ربنا ..والافكار دي مش افكاري دي افكار العضوة "سومة7777777 " ..بس عاوزين نتفق الاول كدة ان بكرة اول شعبان ويوم اتنين يعني ثواب جاي لحد بيتك وبيخبط عليـه عاوزين بجد نستغل الشهر ده صح ونعين بعض على كدة كمان يارب ..ونبدا بقى في عرض سلسلة
"اجمـل واسهــل واغنــــــى الافكار"
اول فكرة :
نجيب حصاله او علبه ونكتب عليها صندوق الصدقه ونحطه فى صاله البيت وكل يوم بعد مانصلى الفجر نحط اللى ربنا يقدرنا عليه ومتنسوش ما نقص مال من صدقه وهتلاقى ربنا فتحلك ابواب كانت مقفله بفعل الصدقه ولما يجى رمضان نفتحهاااااااااااااااااااا ونحط الفلوس فى الجامع او نعمل شنطه خير او نديهم لارمله كدة يعنى ..!
ثاني فكرة :
لما نخرج نروح السوق نجيب اكل ممكن يتبقى جنيه ممكن نجيب كيس مكرونه ونروح البيت نحطه فى كرتونه وكل لما ننزل مشوار او نروح السوق نجيب كيس رز ازازة زيت كيس سكر وعلى مايجى رمضان نكون عملنا كرتونه خير كويسه نخرجها لاسرة غلبانه
ثالث فكرة :
كل يوم نجيب طبقين نحط فى واحد ميه والتانى ارز او قمح ونحطهم فى البكون للعصافير علشان يكلو ويشربوا وعشان الجو بيقى حر
رابع فكرة :
واحنا نازلين مشوار ممكن ناخد معانا ازازة ميه او سندوتش او بونوبانيه اوكيس بسكوت ونديه لطفل بيبع مناديل او اطفال الشوارع او طفل ماشى مع امه كدة او نسقى عامل زباله وينوبنا فيه ثواب
خامس فكرة :
او عندنا كتب وشرايط ومصاحف نوديهم جامع او فى فى رمضان ممكن نشترى كام مصحف ونوزعهم على كلم جدول رمضانى ونوزعهم
جويرية الاسلام جويرية الاسلام فتكات رائعة Fatakat 30407 في الدنيا اللي مش عارفة وخدانا لفين – مصر
