السلام عليكم ورحمة الله وبركاته حبيباتي الجمال انا عملت الفايش بطريقة جميلة وطلع لذيذ جداااا وقلت اخد فيكم ثواب واديكم الطريقة : اولا المقادير : 1ك دقيق _ 1/2 ك لبن _ 1كوب صغير نشا _ 2ملعقة لبن بودرة _ 1كيس بكنج بودر _ محلب من عند العطار _ 3 ملعقة كركم صغيرة _ملعقتين اكل سمنة ونصف كوب صغير زيت _خميرة اكوب صغير سكر ونصف ملعقة ملح برضه صغيرة. بس كدة ..
الطريقة:
نضع كيلو الدقيق عليه كيس البكنج بودر والنشا __ نضع على اللبن المغلي لبن البودرة والسكر والملح والكركم والمحلب لازم ندقه في الهون كويس لغاية ما يبقى بودر ونقلب كويس _ نضع الخميرة في برطمان محكم الغلق وعلية شوية لبن ساخن ونصف ملعقة سكر حتى التخمير _
بعد كدة نع الخليط من اللبن والخميرة والزيت والسمنة على الدقيق نعجن جيدا واذا العجينة ناشفة ممكن تزوديها شوية لبن
بعد كدة هاتي الصاج وادهنيه بازيت وقرصي العجين وبططيه على هيئة دواير كبيرة وخلي سمكه متوسط وضعية في غرفة دافئه لمدة ساعتين حتي يتخمر والعجينة تعلى وبس
شغلي الفرن وحطي الصاح على نار هادئة وبصي عليه بعد عشر دقائق شوفيه هو تقريبا بياخد ربع او ثلث ساعة تقريبا انت وشطارتك بقى
وبالهنا والشفا …… مواضيع هذا القسم برعاية
مروة الجبيلي مروة الجبيلي فتكات جديدة Fatakat 1057822 الجيزة – مصر
سبحان الله و بحمده