طبعا كلكم عارفين الحواوشى
ودى اكله شعبية جميله كلنا بنحبها
من كام يوم جوزى نفسة راحت للحواوشى
قلت اعملهاله مفاجأه واعملة حواوشى
ونشوف الطريقة مع بعض
نبدأ بسم الله
المقادير:
لحم مفروم ( على حسب العدد ) انا عملت ربع كيلو عشان انا وجوزى بس
2 بصلة كبيرة
ملح
فلفل
بهارات
بقدونس ( او اى حاجه تفضلوها ممكن نعناع بس انا بحب طعم البقدونس الاخضر مع اللحمه بيبقى جناااااان )
4 رغيف عيش ( بلدى او ابيض ) انا بفضل الابيض بحس انه انضف
الطريقة:
نبشر البصل بالمبشره الضيقه جداااااااااا عشان عايزينه ناعم
وبعدين نصفى الماية بتاعته ونعصره بادينا كويس جداااااااا نشيل الماية فى الفريزر لاى تتبيله
لان الحواوشى لازم يكون ناشف
وبكده تبقى كل المقادير جاهزه للاستخدام
اول حاجه هنحط البصل على اللحمه
ونبدأ نعجنهم مع بعض كويس جداااااااااااااا
بعد كده نضيف البقدونس والبهارات والملح والفلفل عليهم
ونعجن تاااااااااانى
وده كان الشكل النهائى بعد العجن
بعد كده نجيب العيش
ونفتحه
ونحط جواه اللحمه ونفرد بادينا
وهكذا لحد ما نخلص كمية العيش كلها
وبعد كده نبدأ نلفة بورق الفويل
وندخله الفرن عند درجه حراره متوسطة لمده نصف ساعه
ودا شكلة بعد ما طلع من الفرن
ودى اللحمة من جوااااااااااااااااااا
بس مقلكووووووووووش بقا على الريحه اللى كانت طالعه منه
ولا الطعم حكااااااااااية
ومتنسووووووووش التقييم يا قمرات
مواضيع هذا القسم برعاية
miracle_vet miracle_vet images/avatars/kidsm.gif سوبر فتكات Fatakat 435014 جده – السعوديه