السلام عليكم ورحمه الله وبركاتهازيكم ياخواتي اليومين دول لقيت اسئله كتير عن استخدامات الكبد والقوانص فكنت انهارده عملاه فقلت فرصه اصوره واحطه موضوع للافاده للي مش عارفه مع ان ما شاء الله هنا اساتده في المطبخ
وندخل علي الطريقه:-
ربع كيلو فريك متنقي اوووووي ومغسول
وبقطع بصلتين بس مش مفرومين اوي ونحط حته زبده ونحط البصل ونقلب
ونحط فلفل اسود وبهارات وقرفه وكرفس وزعتر وقالب مرقه دجاج للي بيحب يستخدمها ونقلب والله ياجماعه الريحه بتبقي تحفه وبعدين نكون مقطعين الكبد والقوانص ونحطهم وبعدين نقلب شويه لغايه لونهم ما يتغير
ونحط الفريك ونقلب تاني شويه لغايه ميفلفل زي الزر كده ونبشر جزره
ونحطها واللي عايز ممكن كوسه كمان منها فايدة واللي مش بيحب الكبد والقوانص ممكن يشيلهم ويعمله بالخضار
وبعد كده نحط الشوربه وياخد غلوه واحده ونحطه في الطاجن الفخار
وعلي الفرن حوالي نصف ساعه هيطلع تمام
طعم وريحه جنان معلش انا نسيت اصوره لما طلع من الفرن
اصل كان عندي عزومه وطبعا مش علي طاجن الفريك بس والمياه كانت قاطعه
جربوه مش هتندموا وبالهنا والشفا
ياريت ياجماعه اللي يعجبه الموضوع يقيمه حسب مهوه شايفه
ويرد عليا لاني والله تعبت اووووووووي في رفع الصور
كل سنه وانتم طيبين مواضيع هذا القسم برعاية
موحدة الله موحدة الله 489764_4.gif سوبر فتكات Fatakat 489764 القاهره – مصر