طبفنا انهاردة هو القلقاس انا بعمله بطريقة سهلة ولذيذة
اولا نتكلم على طريقة تقطيعه وتفريزة وفى الاخر نشوف عمل الطاجن
انا بجيب القلقاس بنضفه من برة بقماشة او فوطة مطبخ وبعدين اقشره على فكرة انا مبغسلوش ايوة متصتغربيش شوفى معايا الطريقة وبعدين احكمى
اهو نضيف زى الفل من غير غسيل وامسح السكينة عشان ابدا اقطع كل واحدة نصين عشان تسهل تقطيها وبعدين طرنشات وبعدين صوابع وبعدين مكعبات صغيرة
شيفين زى الفل من غير غسيل ولا مزلقة
احضر حلة كبيرة وفيها معلقتين زيت
واسقط فيهم القلقاس واقلبهم واوطى النار
يعنى كانك بتشوحيه وكدا تقليبة لحد ما كله يتقلب ويسخن يبقى كدة تمام اطفى النار عليه وسبيه يبرد
وبعدين كيسيه وعلى الفريزر على طول لكن لو انتى هتتطبخى منه تشيلى اللى هيتفرز وتسيبى فى الحلة على قد طبختك
نشوف بقى موكونات القلقاس حاجة بسيطة جدا
اكيد سلقنا لحمة يبقى عندنا شوربة
وربطة كزبرة ولو تحبى سلق انا مبحطش
وتوم مدقوق ومعلقة كزبرة ناشفة وملح وفلفل وكمون
الطريقة
بعد ماشوحنا القلقاس فى معلقة الزيت ننزل عليه بالشوربة السخنة ونغطى عليه ونسيبه ياخد غلوتين
هنا كنت مطلعة الكيس من الفريزر وسقطه على الشوربة السخنة وغطيت عليه
ورحت غسلت الكزبرة الخضراء وقطعتها وضربتها فى الخلاط بشوية شوربة
ونزلتها على القلقاس وسيبت معلقة فى الدورق هنحتاجها بعدين
وبعد ما استوى دقيت التوم وحمرته فى طاسة
نزلت عليه معلقة الكزبرة وبعدين هوب على الحلة
ونصبه فى الطاجن ونرص عليه اللحمة ويدخل الفرن ياخد لون ونكهة الفرن
بالشكل دة ومالقوش على الطعم والريحة روعة وتفتح النفس وشكل الطاجن يشرف اى عزومة
انا كدة خلصت واى سؤال انا فى الخدمة بس ماتنسوش التقيم عشان هو امانة فى اعناقكم
والعسولات اللى هيردو ويقيمو ليهم احلى طبق قلقاس باللحمة
متنسوش التقيم وردوكم بتسعدنى وتشجعنى اشكركم مع السلامة
مواضيع هذا القسم برعاية
نعمة من ربى نعمة من ربى 572666_3.gif Fatakat 572666 كفر الشيخ – مصر