بسم الله الرحمن الرحيم
و الصلاة و السلام علي اشرف المرسلين
السلام عليكن و رحمة الله و بركاته
موعدنا اليوم مع صنية سردين بفضل الله خطييييييييييييييرة و الصور الحكم
لو الطعم له مكان علي فتكات كنت نزلته
ندخل الموضوع و بلاش نرغي
المقادير
سردين فيلية (انا خليته من العظم عشان ولادي )
بصل شرائح ,ليمون شرائح ,فلفل بردو شرائح ,جزر مبشور
,طماطم شرائح , بطاطس شرائح رقيقة 2 فص توم محترمين
شبت
عصير ليمونة محترمة
1 م ك خل
زيت
شطة و ملح و كمون
هنا السرين
بعد ما نضفته
تبلته
في عصير ليمون و قليل من الخل و طماطماية و بصلاية و 2 فص توم
و شبت
و قرن فلفل حراق
و ملح و شطة و كمون
كله في الكبة و تركته في التتبيلة دي مش اقل من ساعة
هنا الخضار كله مقطع شرائح بس خدي بالك البطاطس رقيقة نوعا
هاتي صنية
و حطي فيها ملعقة زيت
لتكون بمثابة مادة عازلة
ثم نبدأ برص البطاطس
ليه بقي هنرص البطاطس الاول ؟
عشان البطاطس اكتر حاجة هتاخد سوي
و رشي رشة خفيفة جدا من الملح و الشطة والكمون
ثم ضعي جزء من الخضار المقطع شرائح بعد خلطه في بعض
رشة ملح و كمون و شطة خفيـــــــــــــــــــــــــــفة اوعي تنسي
ابدأي برص السردين افندي
نضع بقي طبقة اخري من الخضار بتاعنا الرائع
رشة ملح و كمون و شطة
و نختم وبرشة زيت
و عالفرن يا طعمين
تابعوني عشان السلطات و نشوف الشكل النهائي
مواضيع هذا القسم برعاية
مراميرو المصرية مراميرو المصرية 2370_11.gif فتكات ست الكل Fatakat 2370 قلب حبيبي و روحي – منصورية و افتخر