السلام عليكن يا احلى فتوكات :
انا باحب الساليزون جدا
بس سعره في الباتيسري المحترم مش اقل من 40 جنيه الكيلو … فكنت باعمله في البيت بعجينة الباف باستري بس لقيت طريقة اسهل و اسرع لو جه على بالك و انتي سهرانة مع العيلة تقرقشوا في حاجة او جالك ضيوف فجأة
انا دايما باجيب عيش فينو لساندويتشات الاولاد بس لما بيبات مش بيبقى حلو في الساندويتشات
نعمل ايه بقى ….. اللهم صلي و سلم و بارك على نبينا محمد
نقطعه شرايح رفيعة سمك حوالي سم الى سم و نص مش اكتر من كده علشان يقرمش و ترشي عليه ملح و ممكن زعتر لو حبيتي و ترصيه في صينية او في صاج الفرن بعد ما تفرشي فويل …وما تدهنيش زيت و لا حاجة :
و هاتي بقى اي جبنة عندك في التلاجة جبنة بيضا او رومي او شيدر او موتزاريللا او حتى مش و حطي فوق كل قطعة … و بعدين حطي فوقها قطعة بسطرمة او زيتون او خيار عادي او مخلل او لانشون او سوسيس اي حاجة عندك في التلاجة:
بس كده و دخليه الفرن الكهربا الصغير وولعي تحت و فوق مش حياخد 7-10 دقايق يطلع مقرمش و تحفة …ممكن طبعا الفرن الكبير بس انا بستسهل
و ده الشكل النهائي بس الصور مش ولا بد علشان موبايلي دقة قديمة :
و دي صورة اقرب شوية يمكن تبقى اوضح :
يا رب الفكرة تعجبكم و انتو حتقدروا تفننوا اكتر اصل انا كنت مستعجلة …
بس تعالوا بقى نتفق …
اللي تعجبها الفكرة ما تنساش التقييم لان عمري ما اتثبت لي موضوع و نفسي يتثبت …
و يا سلام لو دعوة لاولادي ربنا يهديهم و يجعلهم من الصالحين مواضيع هذا القسم برعاية
لك الحمد ربي لك الحمد ربي images/avatars/landscape.jpg فتكات متميزة Fatakat 230065 الاسكندرية – مصر