بسم الله الرحمن الرحيم
بعد السلام عليكم و رحمة الله و بركاته و بعد الاطمئنان عن
الحال و الاحوال الي يارب تكون دايما بالف خير
ليكو يا بنات جوزي كان عيدميلادو من كام يوم الله يخليلي ياه كل
العمر يااااااااااااااارب و يفرحني بكل بنات المسلمين قولوا امين
بلا طول سيرة الرجال مابحب الجاتو فكرت و فكرت مامعقول
يمرق عيد ميلادو هيك من غير احتفال
قامت لمعة براسي فكرة ذكية
الرجال بمووووووووووووت بالسمك
قلت اجت و الله جابها سمكة حرة بحبها و بياكلها احسن من
قالب جاتو رح اكلو انا
بعرف عم تضحكو علي بس والله انبسط منها وغنينالو
happy birthday 2 u
هههههههه شفتو ماحرمتو من شي
منبدا موضوعنا لانو طويل
يالله يافتوكات بطلو لوك لوك و انتبهو علي ….. عفكرة انا مدرسة
رياضة فالاسلوب اخد علساني
شوفي يافتوكة هالمخلوق اللطيف الي بالصورة هاد منغسلو
منييييييييييييييح و منتركو بمصفاية
هالحلوة وزنها كيلو و نص
عبين ماتنشف السمكة منجيب راس توم منقشرو و منحط عليه
حوالي معلقة صغيرة ممسوحة ملح ومنهرسو هيك
هلا التكة الفظيعة الي راح تجيب الطعم الفظيع هيه لية خاروف
يعني الدهن تبع الخاروف بتجيبي نص الكمية الي بالصورة
بتفرميها نااااااااااااااعم و بتحطيها فوق التوم
بضيفي عليهن م ص من كل من كزبرة ناشفة كمون بابريكا حلوة
وبضيفي تلات ملاعق صغار دبس فليفلة اذا بتحبي الحر خليها
كلها حرة و اذا لا خلطيها نص حلو و نص حر و بدقيهن كلهن مع
بعض
بضيفي عصير ليمونة وزيت زيتون و بتحركي انا حطيت كمية جوز
بس نسيت صور الخطوة حطيتهن مع الصوص
منجيب السمكة و منعمل فيها شقوق بهالشكل من الجيهتين
هلا منحشي السمكة من الجيهتين مو من جهة وحدة و منحط
صوص ببطنها بعد مانتاكد انو انحشت منيح منحطها بصحن و
مندخلها عالبراد و اوعي تتركيها اكتر من ساعة لا طعمتها
بتخرب………..رح يزيد معك شوي من الصوص لا ترميه لان بدنا
نرجع نستعملو
بهالوقت منجيب تلات حبات بطاطا منقطعهن و منقليهن
الصوص الي زاد عنا منضيف عليه عصرة نص ليمونة و شوية
زيت و منفرم كزبرة خضرة ومنزود الملح و منقلب منيح
ومنحطو عالبطاطا ومنقلب منيح
منفرد سلوفان عطاولة الشغل و منعملو سماكة بالنص
منرص البطاطا و عليها الصوص بهالشكل
بعد مامرق عالسمكة ساعة منحطها بصينية مدهونة زيت زيتون
و مندخلها ربع ساعة عفرن حامي كتيييييييييييييييييييييير وكل
شويي منفتح الفرن و منرش عليها زيت زيتون
وهون لما طلعتها
منحملها ومنحطها عالبطاطا
منقفل السلوفان منيح كتييييييييييييييير
ومنرجعها عالفرن انا اخدت مني حوالي ساعة
وهون تاتاتااااااااااااااااااااااااااااااااااااااااااااا ااااااااااااااااااااااا
لقطة تذكارية مع البطاطا
عنا بسوريا اذا حدا عامل سمك معناتو اساااااااااااااااااسي يكون
عامل مجدرة و هي عبارة عن برغل و عدس مع بصل مقلي ماما
الله يحفظها و يحفظ امهات المسلمين طبختها لان انا مابعرف
اطبخها
صحن السلطة العربية الخضرا
هلا بعض الملاحظات
هي سمكة بالاميدا و ممكن تستعملي الميرلان كتير طيب
زيت الزيتون لاااااااااااااازم يكون نوع كويس
كل ماعطيتي الاكلة من وقتك و ذوئك رح تعطيكي طعم يعوضك
عن تعبك
الموضوع باين و كانو الاكلة صعبة بس هيه جد سهلة كتير و
فخمة بالعزومات
اخيرا واضح اديش الموضوع طويل و اديش اخد وقت بالتحضير
فتفاعلك مع الموضوع متروك لذوئك و لطفك
بتمنى منكن دعوة بظهر الغيب انو الله ينولني الي ببالي
بحفظ الله ياقمرات
سالي حبيبة البي و عبير المنصورة يوم او اتنين بالكتير ان شاء
الله بنزل قالب الجوز ياقمرات
لان هاد الموضوع اخد اعلى تصويت
سلاااااااااااااااااااااام
مواضيع هذا القسم برعاية
سارة84 سارة84 212248_1.gif فتكات ست الكل Fatakat 212248 اللاذقية – سوريا ياحبيبتي