السلام عليكم يا فتوكاتى
ده اول موضوع ليا معاكم
وكنت حابه أسألكم عن زيت الحشيش ؟؟؟
أنا قريت هنا موضوع مطول عن زيت الحشيش وقريت كلام كتير جميل
بس مش فى حد كان شعره مجهد وتعبان وجربه وقال على النتيجه بتاعته
وبعدين كان فى فتوكه هنا قالت انها بتستخدمه مع زيت الحيه ده يوم وده يوم
وبعدين رجعت قالت لأ مش ينفع نستخدم ده مع ده
وبعدين قالت بلاش تمشوا على روشتة الإستخدام اللى مع الزيت واعملوا منه حمام زيت
مرتين فى الاسبوع قبل الحمام وسيبيه على شعرك 3 ساعات
وبعدين رجعت قالت سيبوه ساعه اقصى حاجه
فاأنا مش بقيت عارفه الصح إيه ؟ وهل فعلا الزيت ده كويس جدا زى ماكان مكتوب ولا إيه
طبعا الموضوع ده كان من 2024 تقريبا كان سعر زيت الحشيش وقتها فى العزبى ب 35
ودلوقتى سعره 86 يبقى ده الأصلى ولا لأ
يعنى مش عارفه أفيدوووونى لأن شعرى فى حالة يرثى لها
من بعد ماكان طويل وناعم وتقيل خيولى زى مابيتقال
بقاله حوالى 8 سنين حاجه تانيه تماما متقصف وبيتساقط جدا ومكسر وهايش وناشف
واماكن بسيطه فيه هى اللى لسه ناعمه ومفرودة
أفيدونى جزاكم الله خيرا
أرق أمنياتى
Noha.Hamza Noha.Hamza 432052_2.gif فتكات حبوبة Fatakat 432052 المنصورة – مصر