صباااااااااااح الخير على احلى فتوكات
من النهاردة هتعملي البيض بطريقة جديدة وكل الي ف البيت هايحبها
جدا خصوصا الاطفال
الوصفة دي شفتها من فترة بس على الطريقة اليابانية بس كانت مقاديرها كتيرة
وبعضها مش معروف
المهم من كم يوم شفت نفس الوصفة على الطريقة الكورية سهلة وبسيطة قولت لازم اجربها
وفعلا طلعت رااااااااائعة
هندخل ع المقادير
6_7 بيضات
جزرة مفرومة
بصلة مفرومة(المفروض بصل اخضر)
ممكن تضيفي فلفل رومي او حار
ملح
فلفل
زيت
وبسسسسسسس
الطريقة
الاول نكسر البيض ونضيف الملح والفلفل ونضربه بالشوكة
وبعدين نضيف البصل والجز والفلفل ونقلب كويس
نحط في الطاسة نقطتين زيت ولما تسخن نهدي النار خالص
و نحط راق من البيض
يبتدي يمسك شوية كده نبتدي بمعلقة خشب مسطحة نقلب من الطرف
كده ونفضل نقلب لغاية مانحصل على رول
ناخد الرول لاخر الطاسة ونصب راق بيض تاني …….ونلفه وهكذا لغاية مانخلص المقدر
هيكون عندنا رول بالشكل ده
نبتدي نقطعه قطع متساوية ويقدم بالشكل اللي تحبيه
دي كانت اول مره اعمله
ف المشاركة الجاية هوريكم تاني وتالت مره طلع ازاي
مواضيع هذا القسم برعاية
ام*عبدالله ام*عبدالله 505727_38.gif فتكات ست الكل Fatakat 505727 ــــــــ – السعودية