بصو بقى يا قمرات انا عايزة نتعاون مع بعض هنا فى كل حاجة بتخص اطفال الاوتيزم
يعنى عايزة من كل ام لطفل توحدى رحلتها معاه
بدأت من فين والخطوات اللى اتبعتها والاخطاء اللى وقعت فيها
عايزين كمان نعرف اسماء الدكاترة اللى احترمت شغلهم وكمان المراكز اللى ساعدت ابنها كويس
انتو عارفين اننا بنبقى زى الغرقان اللى بيدور ع القشاية اللى تنجيه
والاهم بقى احنا عارفين ان محدش عارف سبب للتوحد صح ؟؟؟
احنا بقى اكيد عارفين امتى بالظبط بطل يتكلم ودى اول حاجة بتلفت نظرنا للتوحد
يعنى عايزين نوصل لسبب الاصابة
انا مثلا ابنى حسيته اتغير من بعد الفطام ودة كان على عمر سنتين بالظبط
ومن وقتها وهو بقى فى النازل
عايزين كمان حد ينورلنا الطريق
يعنى نفسى حد يحكيلنا قصة نجاح
عايزين نعرف الشفاء موجود فعلا بصفة نهائية
او حتى بيوصل لحد فين..حتى لو مبقاش طبيعى زى غيره
انا عارفة انى طولت بس بصراحة عايزين نفيد بعض ونطمن بعض
ربنا يطمن قلوبنا على اولادنا يارب
مستنية من كل ام رحلة كفاحها
سيزال سيزال 560165_10.gif فتكات حبوبة Fatakat 560165 القاهرة – مصر
سبحان الله و بحمده