السلام عليكم ورحمة الله وبركاته
الفتوكات الغاليين
رجعتلكم بالطريقه الفعاله واللى جابت نتيجه معايا من اول اسبوع
والحمد لله
الميزه فى الطريقه دى انك بتاكلى من اكل البيت عادى يعنى مبتعمليش اكل مخصوص ومش بس كده حالتك النفسيه ومعنوياتك هتبقى عال العال
عاوزه اقولكم ان زوجى بقى يسألنى (اومال مبسوطه يعنى ومزاجك رايق)
والله زى ما بكلمكم
واكيد كلم عارفين تأثير حالتك النفسيه على كمية الكل اللى بتكليها
وكمان بتخليكى متحفزه انك تكملى ومتبطليش
انا رغيت كتير معلش استحملونى بس والله هتدعولى
وطبعا فى شوية حاجات لازم نبقى متفقين ومقتنعين بيها علشان نقدر نخس
ان الاكل الصحى اللى بدهون اقل افيد مش بس لينا ولاولادنا ولازواجنا و لامهاتنا -ولحياتنا بشكل عام
علشان كده
اللى حابه تكمل معايا فى الموضوع ده
تدخل وتدينى رايها
ولو كانت كريمه تقيملى الموضوع علشان يتثبت وانا بطلب من الاخت اللى مسئوله عن التثبيت انها تثبتلى الموضوع علشان كلوا يستفيد
قواعد اساسيه وكملى حياتك بيها لو حابه تعيشى حياه صحيه
* * قللى كميه الزيت او السمنه الى بتستخدميها
** الفى العيش تماما او قليليه للربع (قسمى الرغيف 4 ) علشان تقدرى تعملى كنترول
** الشاى الاخضر (متشربيهش على معده فاضيه) اشربى اى كميه
بس بدووووووووون سكر
** الحلويات اعملى براحتك بس انتى ملكيش غير انك تدوقى بس
يعنى داخلين على رمضان وزعى على قرايبك وحبايبك وجيرانك
متخفيش هتلاقى اللى ياكلهم
** طبق السلطه هيكون اكبر طبق على السفره ولازم يبقى متنوع ويا حبذا تبشرى جزره او 2 السكر اللى فيهم هيعطى جسمك كميه السكر اللى محتاجها مش هتفكرى تاكلى حاجه حلوه
*** الرز والمكرونه والعيش ميجتمعوش نهائى على السفره واحد منهم فقط ظبطى اكلك بهذا الشكل
**** الفاكهه تتاكل قبل الاكل بساعه تقريبا
عودى نفسك واولادك
النظام ده هنمشى عليه مع بعض وهيبقى اسلوووووووووووووووووووووووب حياه
فاضل اهم حاجه وهى النظام نفسه فيييينه؟
بداية انا كنت نزلت موضوع قبل كده
عن القياس يعنى احنا مش بنوزن احنا بنقيس
وده الرابط بتاعه
https://fatakat.univanet.com/#4383121
هتعملى جدول تكتبى فيه
محيط الوسط
محيط الارداف
محيط الصدر
محيط الورك الايمن
الورك اليسر
وتسطرى قدامهم فى الجدول الاسبوع الاول التانى والتالت وهكذا
تقيسى بالمازوره وسطك عند السره واردافك عند اعلى منطقه وصدرك وهكذا وتسجلى البيانات
ونبدا مع بعض نظامنا ونشوف التغييرات ولازم نكون جادين قدام نفسنا
دى اول حاجه الحاجه التانيه
هتعملى جدول لايام الاسبوع هتكتبى فيه
سبت , احد , اثنين وهكذا تحت بعض وقدامهم عدد الدقايق اللى هتنفذيها من النظام اللى هنزلك الفيديو بتاعه اوكى
اعملو الجداول وظبطوها واللى هتشترك وتكمل معايا تقلى عملت ايه وفورا بعدها هنزلكم الفيديوهات اللى انا متأكده انها هتعجبكم
الفيديو ده هو الجزء الاول هنمشى عليه اسبوع مره الصبح ومره باليل ممكن تضاعفى المده على حسب تحملك
بعد ما ىيخلص الاسبوع هنبدا بالجزء التانى ثم التانى وهكذا لمدة 5 اسابيع ولسه فى حاجات تانى
بالله عليكم قيموا علشان الموضوع يثبت
moslima_mohmd moslima_mohmd فتكات حبوبة Fatakat 913318 مصر الواسعه – egypt