السلام عليكم ورحمة الله وبركاتة
اخواتى
انا روحت للدكتور بعد الاسبوع اللى قالى علية وبفضل الله ودعواتكم بشرنى ان النبض جة فالجنين وقالى تميت الاسبوع السابع بس ضعيف شوية عشان الدم اللى نزل علية
بس الحمد لله دى نعمة من المولى عز وجل
عقبال كل مشتاقة واصحابى وجيرانى لما ربنا يقر عنيهم بزرية صالحة
انا عندى مشكلة يا اخواتى محتاجاكم فيها
انا قبل الحمل كان اكلى مش اد كدة
ودلوقتى هموت من الخوف لانى مبقتش عارفة اكل اى حاجة غير العيش والجبنة الحادقة والمخلل
وروحى بتتسحب منى وقرفانة من كل حاجة ومعنديش اى قابلية للاكل
وكمان الترجيع مبهدلنى
وانا خايفة لان المفروض ان الجنين بيتغذى منى طب انا مش عارفة اعمل اية
لو حد عندة طريقة معقولة فى التغذية بالنسبة لبداية الحمل يعنى الاكل اللى ممكن اكلة وميتعبنيش بس اكيد الكمية هتكون بسيطة
طب وبعدين انا خايفة لان الجنين يكون ضعيف من سوء تغذيتى وربنا يحاسبنى
قولولى اعمل اية والحالة دى هتستمر طول فترة الحمل والا اية
ادعولى حبايبى لانى بتبشر بدعاكم
وريثة الاحزان وريثة الاحزان 244661_2.gif فتكات حبوبة Fatakat 244661 ((عايشة فى خيالى فى دوامة دنيا حبيبى)) – مصر