ده ياجماعة الجدول بتاع الجروب بتاعنا واللى عايز يضيف اى حاجة اوكيه وهنا هيبقى ملتقى الدلع
الجدول:-
السبت:مقشر البشرة وبعده ماسك الاميرات
مقشر البشرة:2معلقة سكر خشن+معلقة زيت زيتون ويتركوا على الوجه لمدة ربع ساعة ثم يدعكوا بحركات دائرية لمدة دقيقة ويشطف الوجه.
ماسك الاميرات:2معلقة كبيرة دقيق+معلقه عسل +معلقة لبن يخلطوا جيدا ويتركوا تلت ساعة ويشطف
الاحد:احدى وصفات الشعر:-
1-وصفة التساقط:نسخن زيت جوز الهند وتحطى عليه ثوم مهروس لحد مايحمر الثوم وتصفيه لما يبرد تحطى عليه شوية زيت زيتون أو خروع عشان ريحة التوم وتحطيه على شعرك زى اى زيت.
2-وصفة فرد الشعر:زيت الزيتون وزيت الخروع بنسب متساوية وافركى الشعر ومسجيه جيدا واعمليه رول او لفيه طاقيه وشوفى الجمال.
3-صفار بيضة+2معلقة اى زيت شعر وسيبيهم من3 الى 6 ساعات وبعدين اغسلى شعرك
4-زبادى +صفار بيضة +2معلقة زيت خروع او اى زيت وبنفس الطريقة
5-كام عود جرجير +بصلة مقسمة اربع اجزاء +2فص توم وغطيهم وسيبيهم على النار مع شوية ماء يكفوا شعرك ولما تسمعى صوت الغليان اطفى النار من غير ماتكشفى الغطاء وسيبيهم شوية يهدوا من الحرارة من غير ماترفعى الغطا وبعدين اخلطيهم فى الخلاط وصفى بالمصفى وحطى عليهم شوية زيت خروع او اى زيت عندك وحطيهم بنفس الطريقه
(يستحسن يوم محدد كل اسبوع لهذه الوصفة)
6-علبة زبادى +2معلقة عسل +صفار بيضة +2معلقة زيت جوز الهند يوضع على الشعر زى اى حمام زيت على الفروة والاطراف وحطى كيس بلاستيك وفوطة سخنة
(ممكن تحطى كام نقطه ليمون على بياض البيض بدل ماترميه او تحطى نشا وتعملى ماسك لوشك)
————اعملى اى وصفة من دول يوم الاحد حسب اللى متوفر عندك فى البيت—–
الاثنين:باديكير للرجل +وصفة الشمع او الفازلين بتاعة ايمى
الباديكير:بتجيبى طبق ماء دافئ وتحطى فيه شوية بلسم او شامبو او شاور وتنقعى رجلك فيه نص ساعة وبعدين تنشفى رجلك كويس وتدعكى بحجر خفاف
-حطى اى كريم عندك على صوابعك وبالمبرد شيلى الجلد الميت وابردى الضوافر
-ضعى كريم كارباميد والبسى كيس وشراب
-ممكن بعد الباديكير نعمل خلطة الفازلين بتاعة ايمى او الخلطة دى:
هاتى شمعة كبيرة وفنجان زيت ومعلقة صغيرة عصير لمون
-دوبى الشمعة مع الزيت على نار هادية وبعدين ضيفى عصير اللمون وحركى المزيج واتركيه يبرد وعند النوم ادهنى رجلك.
الخليط ده مش هيجمد لوجود الزيت وممكن تحطيه فى التلاجة وتستعمليه كل يوم
—-تعودى قبل النوم اما كارباميد او فازلين او الخلطة السابقة——————————
الثلاثاء:مقشر اليد وخلطة الاظافر
مقشر اليد:امزجى معلقة من الكريم المرطب او الفازلين مع 2معلقة سكر فى راحة اليد وقومى بدعك اليدين والمعصم وظهر اليد لمدة دقيقة ثم اغسلى اليدين جيدا—ودى مرة واحدة فى الاسبوع
بعد الانتهاء من المقشر قومى بوضع الكريم المرطب
-لأظافر بيضاء:اعملى عجينة من عصير الليمون ومعلقة بيكنج بودر وضعى على كل ظفر جزء من العجينة وقومى بدعك الاظافر لمدة دقيقة واغسليها وجففيها جيدا
-لجفاف الايدى:ضعى مزيج العسل مع زيت الزيتون اطول فترة ممكنة
-عودى نفسك فازلين او كريم مرطب قبل النوم—-
وفى كريم للايدى والاظافر بيتحط مرتين فى اليوم على الاقل–بس لسة ماجربتوش
—————————————-
الاربعاء:قناع الزبادى للبشرة او اى ماسك للبشرة
قناع الزبادى:معلقة كبيرة زبادىوربع معلقة صغيرة خميرة ويوضع على البشرة لمدة ربع ساعة ويغسل بماء بارد
—————————
الخميس:وصفة من وصفات الشعر السابقة وكل مرة هتغسلى شعرك بعد الوصفة يعنى هتغسلى شعرك مرتين فى الاسبوع.
———————————
الجمعة:ممكن نخليه راحة ووممكن ندلع الجسم كله وناخد شاور ونعمل المقشر بتاع بنت عذارى اللى كتبته ايمى—-ويبقى الاسبوع كله دلع *دلع
—————————–
خلاصة الجدول:—-
–يومين للوجه-السبت والاربع
-يومين للشعر—الاحد والخميس
-يوم للرجل –الاتنين
-ويوم للايدى–الثلاثاء
والجمعة تكملة الدلع
نور عين جوزها نور عين جوزها فتكات هايلة Fatakat 469640 الزقازيق – مصر