صباح الخير يا بنات
انا مخنوقه اوى والله ومش عارفه افضفض غير معاكم
زي ما انتو حفظتوني طبعا من كتر ما بحكي في الموضوع هو هو
انا اتجوزت من 10 شهور وكام يوم وجوزي كان عمل تحليل وطلعت الحركة عنده 20% وخد علاج شهر وحلل لقيناها بقت
5% بس
فراح لدكتور ذكورة كتبله على كورس علاج 3 شهور وقالو لو ما حصلش حمل تعمل دوبلر ع الخصيتين وتعمل تحليل سائل منوي وصديد وتجيني
وطبعا ما حصلش حمل فعملنا التحليل والاشعه
التحليل بيقول
ان الحركة التقدمية السريعه بقت 15 بدل 5
وال b slowly بقت 30 بدل 20
يعني مجموع الاتنين 45 بدل 15 قلنا كويس يبقي فاضل 5% عشان يوصل لنسبه 50% وساعتها ممكن ربنا يكرم ويحصل حمل
عملنا الدوبلر
طلع عنده دوالي ع الخصيه الشمال ودرجتها sever
رجعنا للدكتور واحنا عندنا امل
قالنا انه اتحسن ونكرر العلاج 3 شهور كمان ولو ما اتحسنش هنعمل العمليه ( وانا جوزي رافض تماما يعملها غير اني ما عنديش صبر لكورس العلاج بتاع العمليه ده احنا داخلين على سنه)
ولما سالته عن نتيجه التحليل الاولانيه خالص ال 20% وازاي بعد شهر بقت 5%
رد عليا ببرود قتلني
" عادي ده تغير الجسم البشري"
قلتله يعني ممكن كمان شهر نعيد التحليل نلاقي النسبه قلت
قالي " وارد طبعا "
يعني دمرني وحتى الامل اللي مسكت فيه خده مني
ولما ساتلته ع التلقيح الصناعي
قالي بلاش
ملوش لازمه نسبته في التحاليل الممتازة 10% بس
انا مكتئبه يا بنات والله
نفسي ابقي ام
انفسي ابقي حامل
كل اللي حواليا حوامل في البيت والشغل وانا نفسي اكون زيهم ادعولي بالله عليكم
امانه تدعولي واللي عندها معلومة تفيدني
يعني ممكن لا قدر الله النسبه ترجع تقل؟
اللي حصل حصل وخلاص اللي حصل حصل وخلاص 237563_7.gif فتكات متميزة Fatakat 237563 الخارجة – مصر