خسيت من غير ما احرم نفسى من حاجة فى سبع خطوات 2024.

بصوا يا فتوكات انا شايفه فى كتير مننا بيعانى من التخن
ويا سلام بقى ان كانت سمنه موضعيه يعنى عند الارداف وانتو فاهمينى بقى
هههههههههههههههه
المهم للاسف اكتشفت ان جسمى من النوع
اللى بيتخن بسرعه ويخس بصعوبه
فقرررررررررررت
احم احم….
القرار الاول:
البعد عن السكريات والشيكولاتات والبيتزا اللى بعشقها والكريب

القرار الثانى :
ابطل نقنقه طول اليوم يعنى اتغدى واشرب بيبسى مثلا وشويه واكل شيكولاته….يعنى مش ببطل اكل طول اليوم

القرار الثالث:
اشرب شاى اخضر لانى سمعت انه بيخسس مع العلم انى مش بشرب شاى اصلا…بس قررت اشربه من غير سكر وبقيت بشرب نعناع وينسون حجات صحيه بقى وبنص معلقه سكر او من غير سكر….بصراحه هو طعمه صعب من غير سكر بس حاولت وحاولت كذا مره لغايه اصبحت حياتى بلا سكر ( من السموم البيضاء) ودلوقتى بقى الطعم من غير سكر عادى وان حطيت مثلا معلقتين سكر يبقى مسكر اووووووووووووى ومش بقدر اشربه
ههههههههههههههههههه
وكمااااااااااااان أشرب ميه كتيييييييييير لاننا المفروض بنشرب من 6_ 8 كوبيات ميه فى اليوم على ما سمعت يعنى
ونبعد عن العصاير ولو حتى فريش لان فيها سكريات كتير

القرار الرابع:
بطلت اتعشى وبقيت بشرب لبن او باكل زبادى خالى الدسم او اكل فاكهه والكلام دا قبل الساعة 8 ….يعنى تاكلوووووووو فاكهه
بجد جميله ومفيده ومبتخنش بس بصراحه كنت ببعد عن العنب والبلح مكنتش دايمه عليهم لانه فيهم نسبه سكريات عاليه
والفاكهه مفيده للناس اللى عندهم حاله نفسيه ايام الامتحانات او التوتر والقلق بيحبو ياكلو شيكولاته يلغوها وياكلو فاكهة مفيهاش سكريات عالية

القرار الخامس:
اول ما اصحى من النوم اشرب كوبايه ميه دافيه او ممكن اكتر على الريق
واستنى على الاقل ساعه قبل ما اكل حاجه تانى

القرار السادس:
اكل سلطه قبل ما ابتدى اتغدى وقبل الغدا بتلت ساعه اكل جزر
وكنت بشيل الجلد من الفراخ مثلا لانه مليان دهن ومن اللحمه كنت ببعد عن القطع الدهنيه وكنت بشرب شربه كتير وبحاول تكون بسمن او زيت قليل
فبكده كنت بشبع ومكنتش باكل حجات تتخن كتير
مكنتش باكل نفس الاكل يومين ورا بعض يعنى يوم ويوم وكمان الأرز والمكرونه كنت باكل خمس معالق او 6 بالكتير
هتقولولى كدا مش هنشبع !!!!
هقولكم نسيتو انكم اكلتو سلطه قبل ما تبتدو تاكلو
يلا سماح المرة دى ههههههههههه

القرار السابع:
ومتنسوش المشى والحركه مهمين وبلاش بقى كسل وخمول
انا عن نفسى كنت كل يوم اقفل الاوضة واقعد ارقص ولا نص ساعة على الاقل
لو تقدرى اكتر يارت

خليكم متفاءلين ومتيأسوش هو الواحد مبيظهرش عليه انه خس الا بعد فتره
على فكرة كنت بدعى من ربنا اخس لانى كنت بتعب من جسمى وفى اللبس
دا غير بقى التقليس اللى باخده من اهلى على انى مش ببطل اكل وتخنت وبقيت قلبوظه
هههههههههههههههههههه

يلا جربوا وقولولى النتيجه اييييييييييه؟؟؟ ومتحرموش نفسكم من كل الاكل اللى بتحبوا بس كلو بكميه قليله وعلى فترات
مستنيه ردودكم ويلا معا ضد السمنه

وفى النهااااااااااااااايه وقبل السلام
خسيت ووصل وزنى ل59 كيلوووووووو بس كنت محتاجه اخس كمان لانى كنت بتخن فى مواضع معينه يعنى مش كل حاجه بالوزن بس كان جسمى احلى وبقيت بعرف البس احسن من الاول

ومعلش طولت عليكم دا اول موضوع ليا … منتظرة تقييمكم

farawla86 farawla86 فتكات حبوبة Fatakat 749882 القاهرة – مصر

سبحان الله و بحمده

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.