انا اول مره اكتب موضوع في المنتدي
وهو تجربه مش موضوع بالظبط وهدخل في الكلام علطول
انا كنت مليانه وقلبوظه وبعاني من الموضوع ده لان وزني كان 84 كيلو وانا 158سم يعني الدنيا بايظه من الاخر
وكل فتره اقول هعمل دايت واخس واعمل فعلا واخس وارجع الخبط تااااااااني واتخن اكتر من الاول تااااني
وللاسف فضلت كده لحد ما زياده الوزن دي اثرت علي صحتي وللاسف جالي سكر والكوليسترول كمان طلع عالي يعني أذيت نفسي جدا جدا بسبب اكل الشوكولاته والشيبسي وشرب البيبسي الكتير جدا ودليفري عمال علي بطاااااااااااااال
بس رب ضاره نافعه الحمدلله
لاني خسيت من 84 كيلو لحد 70 كيلو ولسه مستمرهربنا يقدرني وأظبط طولي مع وزني والكوليسترول ظبط جدااااااااا الحمدلله والسكر نسبته رجعت طبيعيه جدا بس طبعا لازم متابعه من وقت للتاني
فنصيحه مني بلاش بلاش بلاش تستهر بزياده الوزن لان للاسف الجسم المليان عرضه للاصابه بكل الامراض دي بسهوله جدا والله وكل الدكاتره حذروني عشان كده حبيت افيد غيري من تجربتي لانها كانت صعبه ومتعبه بجد
وياريت نبعد عن الدليفري والشوكلاتات كلها والشيبسي والبيبسي وكل الحاجات دي
وان شاء الله هبقي اكتب نظام الدايت اللي كنت ماشيه عليه ونزلني 14 كيلو كله بالتفصيل يمكن يفيد حد
وسوري لو طولت عليكووووو ي قمرااات
maysa esam maysa esam فتكات جديدة Fatakat 1179531 mansoura – egypt