السلام عليكم ورحمة الله وبركاته
نداء الي خبيرات الفسيخ من اصحاب القلوب الرحيمه
افيدوني بالله عليكم
انا كنت شفت موضوع عن عمل الفسيخ في البيت وجبت السمك البوري وغسلته وماسيبتوش لتاني او تالت يوم لأ ده انا نشفته كويس بمناديل ورق ولما نشف رحت قلت حلاوتها في حموتها والحماسه اخدتني بقي ورحت جبت كيس وملح وحبه عليه كمان وجبت معلقتين شطه حمرا وملحت الخياشيم وورشيت عليه الباقي و عبئته في 11 كيس وحطيته فوق التلاجه وبقلبه زي البنت ماقالت بس خطوة اني اسيبه كم يوم ينشف دي معملتهاش وهو نزل ميه كتير هو كده عادي ولا باظ وكمان ماما قالتلي خليكي ماشيه ورا النت ما انا قلتلك لازم تسيبيه ينشف ويتنفخ (وهي ناسيه ماقالتش كده خالص دي قالت لأختي واتلخبطت) المهم انا دلوقتي خايفه لأنها قالتلي اوعي يعمل دود لو كنتي مش حاطه ملح كفايه وانا مش عارفه هو الكيس مش كفايه علي تلات سمكات متوسطين ولا ايه؟
انا اصلا مش بعمله عشان شم النسيم انا هفت عليا من اسبوع واتفاجئت ان شم النسيم علي الابواب ومش باكله في شم النسيم يعني مش فارقه معايا يستوي او لأ وقتها بس عايزه اطمن باظ ولا لسه فيه امل وينفع افتح عليه ولا يخرب مش عايزه اسأل ماما عشان هتشمت فيا وتقولي ارميه
مواضيع هذا القسم برعاية
سارا رامي سارا رامي سوبر فتكات Fatakat 111784 القاهره – مصر
سبحان الله و بحمده