انا ياحلوين فى الشهر السادس وطبعا زى كل حامل كان نفسها تعرف اذا كان البيبى ولد ولا بنت
دورت فى مواضيع النت
ودى خلاصه تجاربى
1- فى اول 3 شهور من الحمل مش حاسه بوحم خالص ولا كأنى حامل ومشاء الله خفيفه وبعمل شغل البيت وانا مرتاحه وبلعب مع ولادى حتى علقتى بجوزى ممنعتهاش زى ما الدكتور بيقول وده معناه (ولد)
2- عملت سويت فى اول الحمل لجسمى كله ولحد دلوقتى مفيش شعره واحده طلعت ده معناه (بنت)
3- شفت الجدول الصينى طلع (ولد)
4- عملت ترسيب البول وطلع فى النص يعنى (بنت)
5- حلمت انى اشتريت خروف وسميته طه ومره تانيه حلمت انى حائض وده معناه (ولد)
6- بشرتى نعمت جدا وشعرى بقى حو مش مقصف وناعم ومش بيقع يعنى (بنت)
7- عملت تحليل بول وسألتها فى المعمل حمضى ولا قلوى قلتلى حمضى يعنى (بنت)
8- عملت موضوع ميه الكرنب وطلع حمضى يعنى (بنت)
9- بطنى مش باينه خالص انى حامل يعنى (بنت)
10- اول مره عملت تحليل حمل طلع خطين غامقين يعنى (بنت)
11- الدكتور بقاله شهرين بيقولى ان البيبى (بنت)
12- نبض قلب البيبى 147 يعنى (بنت)
وفى الاخر كنت عند الدكتور امبارح وقالى انه (ولد)
وهو مش بيحب يريح اللى بيسأل كتير على نوع البيبى عشان كده بقاله شهرين بيقولى بنت
خلاصه الكلام كل الكلام اللى بيقولك بيبين نوع البيبى دى تخايف ولا يعلم الغيب الا الله سبحانه وتعالى
انت تريد وانا اريد والله يفعل مايريد
ماصدقيش كلان حد ولا تجارب ولا غيره لحد ما يبان فى السونار ومش بيكون الكلام المصدق ساعات بيخلف
مفيش حاجه اكيده الا لما تشيلى البيبى بين ايدك وتتأكدى
shahd_yassen55 shahd_yassen55 555198_2.gif سوبر فتكات Fatakat 555198 الاسكندريه – مصر