ازيكوا يا فتوكاات عاملين ايه
يارب اللي عاوزه تخس تخس يارب 
بصوا بقا انا عاوزه اعمل حملة اسمها حملة ‘ نط الحبل ‘
ويا ترى هعنعمل ايه في الحملة دي ؟؟
شوفوا بقا يا مُزة انتي وهيا
هدفي إني أشجع فتوكات كتيير عشان يخسوا
وانا مش عاوزه اخس ولا حاجة بس انا عندي كرش صغنون عاوزة انزله
ف احنا ف الحملة دي كل واحدة تكتب طولها ووزنها وهنتفق اننا في اليوم ننط 500 نطة
صعبة ؟ :
انتوا مقولتوش حاجة غلط هيا فعلا صعبة للمبتدئات
بس يلا مفيش مانع نبدأ بـ 50 نطة
ها حلو كدة ؟؟ اكيد حلو
هنعمل ايه بقا ?
شوفوا اولا اول مانصحى من النوم هنشرب كوبايتين ماية ونبدأ ننط 10
تمام ؟؟ خلصنا العشرة ؟؟ نكمل اليوم عادي لحد الظهر
ننط كمان عشرة والعصر عشرة والمغرب عشرة والعشاء عشرة 50 بالتمام والكمال
وكل يوم نخلي الروتين بتاعنا كدة لحد ما اللياقة بتاعت جسم حضراتنا تزيد وبعد كدة نبدأ نزيد عدد النط
انا عن نفسي بنط ألف نطة على مدار اليوم يلا عقبالكوا
واللي بتنط حبل من البداية تكتب هي بتنط اد ايه وتنتظم معانا في الحملة
يلا كل واحدة تنزل تكتب وزنها وطولها و كم نطة هتقدر تنط ف اليوم
وكل يوم ندخل نكتب التقارير ونكتب نطينا اد ايه وكدة
ويارب حد يشترك
انا عن نفسي دا تقريري : الوزن : 50 الطول : 160 عدد النط يوميا : 1000
Banota__55 Banota__55 1217115_10.gif فتكات متميزة Fatakat 1217115 القاهرة – مصر