تخطى إلى المحتوى

حلمت بحمايا المتوفى…..(تم تفسير الرؤيا ولله الحمد)

السلام عليكم ورحمة الله وبركاته
لو سمحتي انا حلمت بحمايا وانا اصلا مشفتوش خالص لانه متوفي قبل ماجوزي يدخل الكلية يعني بقالو سنين بس شفت صورو بس هو في الحلم كان وشو تخين عن الصور ومسود كده يعني مكنش نفس اللي في الصورة بالظبط بس في الحلم هو حمايا وحلمت ان هو كان في المستشفى وتعبان بس انا كنت بزورو وقعد يتكلم معايا ويهزر وماسك كتاب بيقرأ منه أدعية وانا بقرأ معاه مش فاكرة او مديالو الكتاب بس كان عمال يدعي واللي فكراه من الدعاء اللهم عافنا
وبعدين انا كنت لابسه فستان قصير وكان شكلي عسول فيه وهو قعد يقولي شكلك عسول وعماله زي سندريلا وانا اقوله عسول ايه دانا شعري مش مسرحاه كويس وعملاه اي كلام وبعدين حماتي هي عايشة ربنا يديها طولت العمر يعني كانت في الحلم بتمرضه يعني وبعدين انا لما كنت بقرأ معاه في الكتاب فهو قالي انا هنام قولتله ماشي وبصيت عليه اشوفو بيتنفس ولا لأ لاقيتو بيتنفس ولاقيت احمد اخويا الكبير دخل عنده وخرج قالي دا مات قولتله ازااي انا لسه كنت معاه من 5 دقايق وقعدت اعيط عشانه كتير أوي في الحلم
وكان في حاجات تانيه في الحلم بس مش عارفه اجمعها حلمت اني في مكان زي مدرسة كده وعمالة الف في الادوار بتاعتها وكنت نازله من عالسلم وفي دهب بيقع مني وانا انطره بايدي واقول مش بتاعي مش هاخدو وبعدين لاقيت نفسي في مكان في شجر وزي جنينه كبيييييييرة أوي بس مش كلها فيها زرع يعني فيها حتت خضرا وحتت لا كانها مكان جدور شجر يعني بس مش مزروعه وفي حاجات تانيه بس مش قادره افتكر اوي

وحلمت برضو اني عند دكتور نسا وعايز يكشف عليا وانا مكسوفة ومش راضية ابدااااا بس بعدين كشف وكان معايا واحده صحبتي كانت بتغطيني عشان لما يجي يشكف عليا
معلش هو كل دا كان في حلم واحد مع بعض

– الحالة الدينية لك ولمن معك فى الرؤية مسلمين انا منقبة وحماتي مواظبة عالصلاة وقراءة القرآن واخويا الكبير بيقطع في الصلاة وفي الحلم الاخير صحبتي نوران
– اسماء من فى الحلم وعلاقتك بيهم انا وحمايا اسمو محمد وحماتي اسمها فاطمة واخويا اسمه احمد
– حالتك الاجتماعية متزوجة
– هل أنتى موظفه ؟لا
– هل أنتى حامل ، أو تنتظرين حمل ؟ ان شاء الله حامل بس لسه هتأكد ونفسي اجيب ولد اسميه محمد على اسم حمايا
– هل تعانى من اى هموم او ارق قبل النوم هموم الديون وان جوزي يشتغل
– هل ترقين رقية شرعية ام لا احيانا بس مداومة على الأذكار
– حلم عادى ام استخارة عادي بعد ماصليت الفجر

2annee 2annee 1087331_2.gif فتكات هايلة Fatakat 1087331 مصر – مصر

لقراءة ردود و اجابات الأعضاء على هذا الموضوع اضغط هناسبحان الله و بحمده

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.