السلام عليكم ورحمه الله وبركاته
أنا عندي مشكله كبيره مش عارفه في حد زي ولا لأ ياريت لو في واحده مشكلتها زي تدخل ونحاول نساعد بعض أو لو في دكتوره ياريت ترد عليا أرجوكم لا تبخلو عليا
أنا عندي 28سنه وعندي طفلين بنت وولد مشكلتي أني فجاءه زدت بطريقه مش طبيعيه في الوزن خاصه بعد الولاده الأولى ضربت في الوزن كتير مع العلم إني مكنتش بأكل كتير كان أكلي طبيعي المهم حسيت إني عندي حاجه مش طبيعيه لأني كنت بنام كتير وكان عندي حاله كسل وأعراض كتير سمعت عنها عن طريق الصدفه المحضه في التلفزيون
ورحت حللت طلع عندي كسل جاااااااااااااامد في هرمون الغده الدرقيه تقريبا مكانتش شغاله رحت لدكتور كبير في مصر الجديده اسمه حسين العرابي وإداني علاج الغده اسمه إلتروكسين وقالي لازم أخد الدواء مدى الحياه لأن الغده مش حتشتغل من غيره المهم إني مليااااااااااااااااااانه جدا ومش عارفه أخس علما بأن حاله الغده إتحسنت مع العلاج المفروض إني أخس بس مش عارفه أخس ولا كيلوا وزني ثابت من بعد ما أخدت الدواء مع العلم إني برضع إبني الصغير مش عارفه أنا مش بخس ليه هل من الغده ولا من الرضاعه وأنا بحاول أنظم طريقه أكلي مش بعمل رجيم بس باكل أكل صحي يعني مش باكل حاجه محمره ولا بسبك أكل خااااااااااالص ولا باخد سكر كتير يمكن معلقه سكر في اليوم ولا بطبخ بسمن يعني اكل صحى مش عارفه اعمل ايه نفسي اخس حتى لو كيلوا اعمل إيه؟؟؟
أم سهيله أم سهيله 6834_1.gif فتكات جديدة Fatakat 6834 القاهره_ القاهره الجديده – مصر
سبحان الله و بحمده