انا يابنات حامل دلوقتي في الشهر السابع ، أو نقول هبدأ في الثامن كمان 4 أيام تقريبا ان شاء الله، من ساعة ما الشهر السابع بدأ واانا حالتي النفسية بقت سيئة اووووووووووي اوووووووووووووي فوق ماتتخيلوا وانا مش عارفة بسبب أيه، بجد نفسي حد يحس بيا ، أنا بحكي لوالدتي ولأختي بس جوزي مش محسساه بأي حاجة خالص لكن ساعات غصب عني بعيط أدامه من غير سبب.. وان اشايفة اني لازم اشركه في اللي انا فيه..
يابنات انا لما رحت للدكتورة قالتلي ان البيبي بيكون ضاغط على الحجاب الحاجز ودة ممكن يكون مش بيوصلي هوا كويس جوة الرئة لاني ساعات دراعي اليمين بينمل.. والاقي قلبي بيدق بسررررررررررررررررعة اووووووي لدرجة اني مش بستحمل.. وبكون مش طايقة حد حواليا اصلااااا ولا عايزة اتكلم مع حد
لكن بشكل يومي بصحى بحس اني مفزوعة وخايفة معرفش ليه، دة غير ان شهيتي أتقفلت أصلا مابقتش باكل زي الاول اصلا وممكن أقعد على كوباية زبادي ساعة بحالها عشان اخلصها
دة غير البكاء اليومي والافكار السيئة اللي بتجيلي تنغص عليا حياتي وانا عارفة ان مالهاش أساس من الصحة، انا تعبت اوي اوي بجد وبحس اني متحملة حاجة فوق طاقتي وخايفة على الجنين يتأثر بحالتي النفسية دي
وساعات تلاقيني بقيت كويسة جدااااااا وعاملة زي الفراشة الطايرة اللي عايزة تعمل كل حاجة وعايزة اخد الناس كلها بالحضن وفجأة الاقي الدنيا اتسدت في وشي وأكتئبت وتجيلي الخنقة وبيجيلي زي هبوط كدة، انا تعبانة اوووووي ، أدعولي بالله عليكم ماتنسونيش وطمنوني على اللي انا فيه دة وادعولي بانشراح الصدر
وتفتكروا هرجع كويسة تاني بعد ما اولد ان شاء الله؟ عايزة ابقى كويسة تاني يااااااااااااااااارب
Merat Gozy Merat Gozy فتكات متميزة Fatakat 1116106 القاهرة – مصر