عاوزين نوصل للخمسينات مهما كانت اوزانا كبييييره مفيش مستحيييل
المشتركات فى الجروب الاول بالاسماء والاوزان اللى بدأنا بيها والاوزان اللى وصلنالها علشان نتشجع ونشجع البنات ان مفيش مستحيل ما دمت حاطة فى دماغك هدف وربنا يقوينا ان شاء الله
الحمد الله 5مانيكانات حققوه اهدافهم ووصلوه للوزن اللي بيتمنوه
يعنى دى اول دفعة اتخرجت من الجروب
ميمو مانيكانه الجروب اول مانيكانه توصل لي هدفها بدات 74.5ووصلت53
لوجو مانيكانه التانيه من 69وصلت 52
اميره مانيكانه التالتة من 63وصلت 55
مريم منمون مانيكانه الرابعة وصلت 56.5
رشا وصلت من 60 الى 55
وعقباال كل المانيكانات مايحققه اهدافهم
سولة العسولة 69.5 وصلت 61.9
همس من 79 ووصلت 56.5
نور عين جوزها اللى منورة الجروب بتاعنابدات 67 وصلت 58.5
صافى بدات 73.5 ووصلت 63.5
ندى بدات 72 ووصلت55.5
زكية المستخبية 86وصلت71
بطه بدات69ووصلت 68.5
نانووو من 89 ووصلت 83
بوسى من 76.6 ووصلت 75.5
وزه وبطه من 85 ووصلت 78.5
ست عصريه من 89.6 ووصلت 76.6
ميرف من 68 ووصلت 60.2
موني ام ايسل ومحمد من 66 ووصلت 59
ايمو صافي بدات 90وصلت 81
واهلا بالمانيكانات الجداد
سوف نبقى من 78 ووصلت 74.5
مجاهدة من 105 ووصلت 97
مريم من 75 ووصلت 63.5
اسماء عمرو من 69 ووصلت 67
سيما 85
يا مؤمنين صلو عليه
كتكوتة 70
سوكة
دى العناصر الاساسية اللى بنغير بيها اسلوب حياتنا ان شاء الله
احنا نظامنا باذن الله متوازن وصحى مش حرمان وطول النهار زبادى وفاكهة والهبل اللى يضعف الجسم ده لا ان شاء الله ناكل كل حاجة بس قليل واكلنا يبقى صحى مش سمن ودهون وحلويات وهو ده معنى اسم الجروب اسلوب حياة يعنى مش لما نخس نعك تانى ونزيد اللى طلعناه لا احنا بنتعلم مع بعض نطبخ صحى ونعمل رياضة ونعيش حياتنا صح ونستمتع بيها ونستمتع بصحتنا الكويسة ان شاء الله
وكل واحدة مننا ليها نظامها الخاص بس اهم حاجة الالتزام ان شاء الله نوصل لهدفنا بكل صحة وعافية
النظام اللى عندك فى البيت ورتبى انتى براحتك
الفطار 3 ملاعق فول او بيضة مسلوقة او مقلية بمعلقة صغيرة زيت
جبنة بيضاء خفيفة الدسم او جبنة مثلثات قليلة الدسم
نص او ربع رغيف حسب انتى تقدرى على ايه انا شخصيا بدات بنص ودلوقتى اتعودت على ربع
الغداء اى نوع بروتين عند سمك لحم فراخ مسلوق او مشوى وسلطة وخضار نى فى نى وممكن ربع رغيف او 3 ملاعق ارز او مكرونة
الفكرة انك تزودى السلطة والخضار علشان تشبعى منهم اكتر من النشويات
وطبعا شوربة الخضار مهمة وممكن تنوعى فيها بس من غير بطااطس
العشاء زبادى وفاكهة
فى سناكات بين الوجبات
شاى نسكافيه من غير سكر او سكر دايت بس نوع خالى من الاسبرتام علشان له مشاكل صحية كبيرة
المشروبات الحارقة للدهون بتساعد مش بتخسس لوحدها زى الشاى الاخضر الينسون القرفة الزنجبيل براحتك 3 مرات فى اليوم بس مش على الريق علشان الحاجات الحامية دى بتجيب قرحة معدة لاقدر الله لو على معدة فاضية
لنا معلقتين سكر طول اليوم
لنا ثمرتين او3 فاكهة طول اليوم وزعيها بين السناك و العشاء براحتك
ممكن فى العشا ناخد حاجة خفيفة جبنة قريش تونة فراخ مشوية سلطة
النظام فيه اكل كويس ومشبع وصحى وان شاء الله يخسس
لنا يوم فرى فى الاسبوع
ونحاول على الاقل نص ساعة رياضة يوميا
نحاول نتخلص من فكرة الاكل علشان نريح اعصابنا
بدل ما ارغى فى صورة عجبتنى اوى ومعبرة اوى عن اللى عاوزة اقوله
ان شاء الله هنثبت يوم الجمعة الصبح كلنا نوزن فيه ونجى هنا نعترف واكتر واحدة هتنزل ان شاء الله كلنا نعملها فرح وناجر رقاصة كمان واحنا فى جروب الخمسينات عندنا رقاصة مسلوعة وبصراحة الست مبتتاخرش عننا خالص دايما بتيجى ترقصلنا فى افراحنا بيوم الميزان
الفرى بقى مابين الجمعة والسبت حسب ظروف كل واحدة
وده لينك ملف كامل لاكلات صحية لايت فى لايت ان شاء الله يفيدنا وفعلا نغير اسلوب حياتنا مع بعض بشكل صحي
معايا هتبقى مانيكان اعملى كل الاكل لايت فى لايت
https://fatakat.univanet.com/#4429417
ان شاء الله ربنا يحققلنا حلمنا ونخس ونوصل للمثالى بصحة وعافية
يلا ياشباب عايزين همة اكتر علشان نكون مانيكانات[/center]
المهم الالتزااااااااااااااااااااااام الالتزاااااااااااااااااااام وكمان الرياضه حتى لو 30 دقيقه فقط فى اليوم هتفرق جداااا عن تجربه طبعا
وكمان كل يوم تدخلوا تكتبوا تقاريركم حتى العك تكتبوه
ولو حد ليه نظام مختلف او متابع مع دكتور عادى يدخل معانا وبرده هنستفيد ونفيد ان شاء الله يبقى الجزء ده خير علينا ونوصل كلنا للمثالى ان شاء الله
بنات الجروب الرشيقات حبايبى الشاطرين الاسبوع الى فات ماشاء الله ناس كتير منكم التزمت بالرياضه و خلصتها واكيد كلكوا ربنا هيكافىء تعبكوا بالخير ان شاء الله
حبيت افكركم اننا لسه مستمرين فى الرياضه مجموعه 300 ومجموعه 350 دقيقه يعنى الى هتقدر تعمل 300 بس اوك والى تقدر تعمل اكتر من 300 يبقى هدفها 350 دقيقه فى الاسبوع وهتبدء من يوم اللسبت
كمان هنضيف حاجه فى الجزء ده ان شاء الله هندخل 500 استغفار خلال الاسبوع اكيد فى ناس بتجبهم فى يومين بس انا عامله رقم قليل عشان نشجع بعض وربنا يتقبل ونستغفر بنية اى حاجه حتى لو بنية الخسسان بالصحه والعافيه يارب يارب
حاجه اخيره هنخصص يوم الاربع او الخميس يو م الاهتمام الشخصى يعنى ممكن نعمل حاجات للبشره او الشعر او الجسم وبرده هتكتبى فى تقريرك عملتى ايه لجسمك وبشرتك يوم الاربع او الخميس
همسة بس دوشة همسة بس دوشة 467531_12.gif فتكات غالية قوي Fatakat 467531 بورسعيد – مصر