<b>>>
حبيباتى الفتوكات
جروب هنخس بالتاكيد باراده من حديد
1- الاراده ثم الاراده ثم الاراده
بصراحه اختارته علشان يدينا الامل اننا نغير للاحسن مش بس فى وزننا الذايد لاانما علشانا احنا علشان نحس فى حياتنا بالمتعه النفسيه والجسمانيه فى نفس الوقت
عايزين نبدأ بنيه صافيه وبدون اى احباطات من اى اشخاص حولينا
انا موش هقيدك بنظام رجيم معين تمشى عليه لا موش هو ده الهدف الهدف اننا نغير عادتنا فى الاكل عشان منرجعش ناكل بعد ما نخس كمية الاكل اللى كنتى بتكليها وتحصل الانتكاسة ونتخن اكتر من الاول هتكلى اللى عندك فى بيتك بس بكميات صغيرة هتقللى الكميات مع انى هقولك على ارشادات وممنوعات ومسموحات لازم تلتزمى بيها عشان فعلا وزنك ينزل ومتستعجليش انك تنزلى علطول عشان انتى عارفة اضراره خلينا فى الطبيعى الصحى البطئ عشان منرجعش نتخن تانى وطبعا تشجيعنا لبعض اهم شئ وده هيحصل ازاى بتواجدنا كل يوم فى وقت معين احنا هنحدده وكل واحدة هتكتب اليوميات بتاعتها ونفيد بعض ويا جماعة اللى عندها اى معلومة فى التخسيس او انظمة رجيم عارفاها للى تحب تمشى على رجيم موش فرض يعنى او اكلات وده مهم اكلات صحية قليلة السعرات الحرارية عشان منزهقش تغيير الاكل مفيد لينا تقولينا علطول وتنزل موضوعها عشان الكل يستفيد
الارشادات
1- لازم تلتزمى بكتابة تقريرك فى الاكل كل يوم بضمير حتى لو عكيتى متخفيش
2_الرياضة اى نوع رياضه اللى انتى مرتاحه فيها
3_المياه لتر ونص او لترين ده اجبارى لانها الاساسي فى التخسيس
4_الميزان كل اخر الاسبوع يعنى الخميس او الجمعه وده ضروررررررررررى ومهم
5_حاولى تتعودى النوم بدرى وتصحى بدرى
الممنوعات بقى
1- استبدال أو اضافة صنف من الطعام .
2- السكريات بجميع أنواعها ( مربى – شيكولاته – مياه غازية – الحلويات بجميع اشكالها وانواعها )
3- زيت التونة يصفى تماماً ويشطف بالخل .
4- من الفواكه ( التين – المانجو – القصب – البلح – التمر – العنب )
5- اللحوم الدسمة مثل ( الكبده – اللانشون – البسطرمة – الحمام – الاوز البط )
6- الحوادق المخللات والتسالى مثل ( اللب والسودانى واللبان والفستق والبندق واللوز وعين الجمل )
7- عدم استخدام السكر مطلقاً
8- أى صنف غير مكتوب فى الرجيم ممنوع
نفتح بقى نفسكم ونقول المسموحات:
1-بعد الأفطار بساعتين وبعد الغذاء بساعتان مع الرجيم ( D )تناول الفاكهه مما يلى :- ( برتقالة – تفاحة – حبة كمثرى – حبة جوافة – قطعة موز صغيرة – ثلاث خوخات – 100 جم بطيخ – 2 حبة مشمش – 100 جم فراولة ).
2- عند الأحساس بالجوع بين الوجبات يمكنك أكل صنف واحد فقط مما يلى
( خيار – جرجير خس بدون ورق 2 قطعة جزر ) .
3- الماء بأى كمية لكن ليس وسط الأكل وعلى الأقل 3 لتر ماء يومياً للحفاظ على نظارة البشرة
4- المشروبات ( الماء – الشاى – القهوة – الينسون – النعناع – الكركديه – الليمون ) بدون سكر .
5- ( دايت سويت – كاندريل ) جميعها يمكن استخدامها وممنوع تماماً السكر العادى .
6- من الممكن استبدال خبز الرجيم بربع رغيف بلدى .
7- طبق السلطة ( خس + خيار + جرجير + ثمرة طماطم )
8- تثبيت مواعيد تناول الوجبات وباكر بقدر الأمكان .
9- تثبيت ميزان الطبيب فقط منعاً للإحرج والاتبا
التشجيع يا بنات نشجع بعض
ويا ريت اللى عايزة تشترك
تكتب بياناتها كلاتى
الوزن عند دخول الجروب
الطول
الاسم
وطبعا هنكون سعداء بأنضممها وسطنا
اختكم نورا
وده مرجع الاكلات الدايت الخاصه بالجروب
مرجع الاكلات الدايت والرياضة لجروب هنخس بالتاكيد باراده من حديد
ودى الردود الخاصه بالجروب
يعنى كل عضوة من الجروب ترد برد من ده علشان جروبنا الغالى يلعلع فى مدونة الرشاقه
الارادة و كيفية تقوية الارادة
) الدعاء و الاستعانة بالله
مفيش توفيق غير بالله عز وجل " اياك نعبد و اياك نستعين "
و قوتنا بنستمدها من قوة ايمانا بربنا و يقينا بانه لما ندعوه هيستجيب لينا
ده اول حاجة و اهم حاجة و رسولنا الكريم كان دايما بيقول " اللهم اني اعوذ بك من العجز و الكسل "
2) التفائل
خليكي دايما متأكده ان الجاي احسن و انك هتوصلي للانت عايزاه مهما حصل و دايما توقعي الخير تفائلوا بالخير تجدوه
3) انك تصارحي نفسك و اتكلمي معاها بصراحة وواجهيها بعيوبها قبل مميزاتها و متضحكيش على نفسك و تديها الاعذار " قد افلح من زكاها و قد خاب من دساها "
و اعرفي كويس ان ربنا مش هيوصلك للانت عايزاه غير لو غيرتي من نفسك
"ان الله لا يغير ما بقوم حتى يغيروا ما بأنفسهم"
يا ريت يا جماعه التقيم اوعى تخرجى كده وايدك فاضيه
انا شايفكى
</b>
نوراجو نوراجو 367945_9.gif Fatakat 367945 بيتى جنتى – رحمه الله ورضاه