السلام عليكم يا فتوكات اخباركم ايه
بصوا بقا احنا عارفين ان النحافه حاجه كويسه
بس زى مبنقول ف مصر
اللى يزيد عن حده يقلب ضدده
يعنى انا مكونش رفيعه جداا ولا تخينه ججدا ومش عارفه اتحرك
انا نفسى ازيد قد 15 كيلو
انا كنت ماشيه على نظام كدا كان بيزودنى 2 ك كل اسبوع بس منتظمتش كتير زت 8 كيلو ف شهر وبعدين وقفت
ولا كان فيه اكل معين ولا حاجه كنت باكل اى حاجه موجوده
بس اللى انتظمت عليه التالى
اولا لازم فاتح للشهيه لاننا صعب جدا ناكل من غير اى فاتح للشهيه
وانا كنت باخد ميسجور وتريزوركس
هتقولوا دول مضرين بالصحه وكدا
هقولكم … التريزوركس دا فعلا لقيت انه مضر بالصحه
لكن الموسيجور مضر بالصحه لو زاد الاسخدام بتاعه عن 5 شهور .. واحنا ان شاء الله هما تلت شهور بالكتير
طيب كدا تمام .. اهه كدا هنفتح شهيتنا جدااا .. ناخد قبل الاكل بساعه قرص موسيجور .. بسيطه
بعدين طول اليوم ناكل اى حااجه عندينا مش مهم ايه نوع الاكل .. بس فيه شويه حاجات كدا لازم نعملها
اول حاجه رمضان خلاص جيه واكيد اول حاجه هنكلها بلح لازم نتبع سنه الرسول عليه افضل الصلاه والسلام
طيب ايه رأيكم لو نخليهم خمس بلححات منقعين ساعتين او اتلت ساعات ف لبن .. مفهاش حاجه بردوا بسيطه
طيب دلوقتى احنا مش ف رمضان يعنى مفيش بلح نعمل ايه … بردوا هناكل البلح دا كل يوم الصبح ( عارفه ان اغلبنا ملوش ف السكريات بس اللى رماك على المر .. )
يعنى البلح والميسجور وناكل اى حاجه احنا عايزيناها ومتوافره .. بس فيه حاجه تانى
عارفين كلنا طبعا العسل الاسود .. انا كنت بعمل ايه
طول ما انا قاعده قدام الكمبيوتر او التليفزيون كنت بجيب طبق عسل اسود بطحينه واكله بالملعقه ودا مفيد جدا وخصوصا اللى عنده انيميا … اوقات مكانش عندى طحينه كنت بحط له سمسم او جوز هند .. حلو كدا
طيب ناجى دلوقتى للمشروبات
فيه مشروب هيفيدكم جدااااا وهيتخن معكم مناظق معينه وهتلحظوا من اول اسبوع وكمان دا بيتخن الوجه
طيب ا ايه
بصوا دا هو الحاجه الوحيده المعقده معانا مش مهم المهم اننا نوصل للى عايزينه
هو طعم مش حلو اوى بس استحملوا شويه قولنا اللى رماك على المر اللى امر منه
طيب دا ايه : –
حلبه
مرمريه
شمر
عرق سوس ( هتلقوه شبه الحلف بر )
شويه نعناع صغيرين علشان الريحه
دول نغليهم كلهم م بعض بس ياريت نغطى البراد اللى بنغلى فيه لان فهم مواد طياره وهى دى المفيده
ونحط عليهم شويه لبن صغيرين ونحليهم بملعقتين عسل نحل
بس كدا واهه كل واحده تروح توزن نفسها وتستمر على النظام دا لغايه رمضان وعايزين نزيد كيلو على الاقل قبل رمضان
يعنى كل اللى هنعمله دلوقتى
ف الصبح البلح باللبن
بعديه ناخد حبيه موسيجور وشويه نفطر اى حاجه
قبل الغدا بساعه حبايه موسيجور وناكل ااااى حاجه
وشويه كدا قبل العصر او ف اى وقت نشرب كبايه من المشروب بتاعنا
وناجى ناكل اى حاجه بالليل طبعا بعد الموسيجور
وناكل العسل احنا وعلى الكمبيوتر او التليفزيون
وقبل النوم نشرب المشروب بتاعنا
واهم حاجه
ممنوع الشرب ف وسط الاكل او بعد الاكل مباشره لازم يكون بعد الاكل بساعه على الاقل علشان الكرش
ودا طبعا م الناس اللى متعوده بيكون صعب شويه
هقولك انتى حولى تخففى الميه بعد الاكل كل يوم عن اليوم اللى قبله لغايه لما هتلاقى نفسك تلقائى اتعودتى
كمان لااااااااااااازم تمارين البطن وانا بفضل ش البطن يعنى طول ما احنا قاعدين نفضل شادين بطننا وتلقائى بردوا هنلاقى نفسنا بنعمل كدا من غير اى مجهود
دا كل اللى عندى
انا طولت عليكم شويه
يلا عايزه التشجيع منكم
بلاش الكسل دا عايزين نتغير للاحسن
sara_hassan sara_hassan 962379_1.gif ممنوعة من المشاركة Fatakat 962379 egypt – qena