اخواتى الفتوكات القمرات .. فكرتى ليكم تعتمد اننا نقول لبعض على الافكار العملية اللى بنفذها فى المطبخ عشان وقت الطبخ ميبقاش وقت طويل و نمل و نزهق من المطبخ
طيب ازاى ممكن نفيد بعض و ايه هى الافكار اللى ممكن تساعدنا و تبقى عملية و خصوصا للستات اللى بتشتغل
– على فكرة انا مش باشتغل – بس انا ممكن ااقولكم عل شوية افكار ممكن انها توفر الوقت و المجهود:
1- ممكن اننا نتبل الفراخ البانية – نجب كمية كبيرة – نتبلهم بالملح و الفلفل و الخل ( التتبيلة المتعودين عليها) و بعدين نحطهم فى البيض و البقسماط و نجيب اطباق فيبر و نقسم الكمية عليها و نشيلها فى الفريزر و نطلعها على القلية عى طول .
2- نجيب كمية ثوم كبيرة و نضربها فى الكبة و نقسمهم على اكياس الثلاجة و نحط الثوم فى الكيس زى شكل البفتيك – يعنى نبططه و نفرده – و نتنى الكيس عليه و هو مفرود و لما نحتاج ناخد منه نجيب الكيس و نكسر حتة التوم و نقفل الكيس تانى
3- سلق القلقاس : عمل سلق القلقاس رخم .. عشان كده هاتى كمية كبيرة منه و اعمليها مرة واحدة و حطيها فى علبة بلاستيك فى الفريزر و لما تحتاجى تاخدى منها طلعيها قبلها بساعة و بعدين ابقى شيلى الباقى
4- لما تجيبى فراخ هاتى كمية الشهر كلها مرة واحدة و اغسليهم و نظفيهم و شيلهم متنضفين احسن .. و لما تحتاجى تعملى فراخ حتطلعى و تسلقى على طول بدل ما تضيعى وقتك فى التنضيف
5- اللحمة المفرومة .. هاتى برضه كمية الشهر مثلا 2 كيلو .. عصجيهم و شيلهم برضه فى الفريزر .. بتوفر وقت كبيييييير
لو عجبتكم الافكار دى .. قيموا الموضوع و يا ريت كل واحدة فينا عندها افكار زى دى تقولها .. بجد حنستفيد كلنا
وانا كمان لسه عندى افكار بس لما اشوف الموضوع حيعجبكم و الا لا مواضيع هذا القسم برعاية
شهد و مر شهد و مر فتكات هايلة Fatakat 298563 القاهرة – مصر