[
ازيكم يااحلي عرايس في الدنيا
اشكر كل واحدة فيكم دخلت الجزء الاول وقيمت وردت بجد ربنا يخليكم ليا كلكم ذوووووق يا حبايبي
واتمني بجد اشوفكم كلكم اسعد ناس
هنكمل بقي الجزء التاني من موضوعنا
دا رابط الجزء الاول
تعالي اقولك تعملي كل يوم الصبح ميكب ونو ميكب ^_^ وباقلللل اضرار لبشرتك
وباكد للمرة التانية الموضوع ده للمحارم والزوج فقططط وانا غير مسؤولة عن اي حد يستخدمه لغير كده
الجزء التاني من اليوم العصر:
الحزء ده بقي هنستخدم الميكب لكن برضو هنحاول معاه ونخليه باقل الاضرار امال يعني عرايس ومش هنستخده بس باذن الله هنستخدمه صح ومش هيضر
الجزء دا بقي يبدأ امتي يبدأ بعد ما تخلصي شغل البيت كله والطبخ وكل حاجة او طبعا لو اول الجواز يبدأ في العصر بقي ^_^
هتدخلي تاخدي دشك علي السريع او زي ما تحبي تغسلي وشك مثلا وتغيري الهدوم الي كنتي بيها في المطبخ
هنعمل اييه بقي
اولا نتوضي عشان نصلي العصر
بشرتنا:
نغسلها بمية دافية وبلاش غسول لو لازم نغسلها ببيتادين مخفف بمية
غطا من بيتادين المطهر ده الاحمر
علي لتر مية ونخليه في الحمام نغسل منه وشنا ونشطفه بمية دافية تمام دا هيعمل ايه بقي هينضف بشرتنا من الي شافته طول اليوم دا غير هيقتل المكروبات ولو فيه التهاب ولا حاجة هيقلله جدا ومتقلقوش امان لكل البشرات وانا قلتلكم ان بشرتي حساسة اصلا فمحدش يقلق باذن الله
بس متستعملوهوش لفترة طويلة ورا بعض ولو حامل او مرضعه بلاش منه دا تحذير مكتوب عليه خليها مية دافية وبس
بعد ما نغسل وشنا نقفله بتونر طبيعي والخطوة دي انا نسيتها في الجزء الاول
التونر ده بقي يا اما مية ورد انا بفضل الي عند العطار الازازة ب1 بحسها طبيعية والطف ولو عايزة من الصيدلية مركزة براحتك
وتبقي محطوطة في التلاجة بقي مش في الحمام المرة دي تاخدي منها بقطنة وتمسحي علي وشك كله بتشد البشرة وتنورها وترطبها بشكل مائي مش دهني وتقفل المسام وراها
اما لو بشرتك حساسة زيي ومش بتستحمل مية الورد يبقي تشتري تونر
واحسن تونرات جربتها بتاعت اوريفلام خفيفة قوي علي البشرة بجد ومش بتسبب مشاكل وانا جربت الصبار والشاي الاخضر وبيشكرو قوي كمان في الافندر وبشكل عام مجموعة بيور ناتشورال من اوريفلام كلها تجنن وحنينة قوي علي البسرة وسعرها حلو وسط ولا غالية اوفر ولا رخيصة بدرجة تقلق بحوالي 22 25 حسب الكتالوج
الميكب:
بعد كده نعيد خطوات الميكب الي فاتت بتاعت الصبح وهنزود بقي
ايشادو مات لون واحد خفيف كده
وهنحط قبله من كونسيلر جارنييه وبعد ما ينشف نحط ايشادو خفيف لون واحد يليق مع لبسنا
وايشادوهات بريتي وومان حلوة قوي وهي ماركة مسجلة مش مقلده يعني واسعارها في متناول الجميع وفيه منها الماط والكريمي والشايني ومنقلقش فيه كونسيلر تحتها وهي لطيفه مش هتاثر علينا
وده شكل الايشادو المات
بيبقي من غير لمعة ورقيق قوي وناتورال جدا
والماسكارا تبقي سودا بدل الشفافة وممكن نحط طبقة شفافة وطبقة سودا
وهنخليها قاعدة نتفق عليها الحاجات الي بتدخل العين وتبقي مباشرة علي الجلد تبقي ماركات يعني الكحل والماسكارا وكريم الاساس دول لازم يبقو ماركة
اما الماسكارا فانا بحبها قوي وجربت فيها كتير وريحتني بتاعت اوريفلام لان عيني حساسة جدا وبتلتهب من اقل حاجة
ونصيحة بجد اوعو تجيبو ماسكارا مجهولة المصدر تعمل مشاكل ودي عينينا ده فيه انواع بيحطو فيها كحول تخيلو ا
ليه بقي ريحتني اوريفلام اولا فرشتها حلوة قوي ثانيا خامتها لطيفة جدا علي العين ودي اهم حاجة عندنا ولا ايه
حبيت من اوريفلام باور كيرل ووندر لاش وندر لاش دي حكاية لو حطيتي منها طبقتين كانك مركبة رموش وهقولكم تتحط ازاي
دي باور كيرل
شايفين فرشتها الاول تستخدمي الفرشة القصيرة دي وبعدين تسرحي بالناحية الطويلة ودي بترفع الرموش لفوق وتلفهم بشكل لذيذ قوي ومثالية لفترة العصر علي فكرة
ودي وندر لاش
نفس النظام الاول نستخدم الجزء القصير وبعدين نسرح بالطويل ونستني تنشف ونحط طبقة تانية وبسرعة نجيب فرشة قديمة نضيفة ونسرح بيها الرموش عشان متتشبكش واتفرجي بقي يا جميل علي احلي رموش طبيعي ودي مثالية لباليل علي فكرة
وبيوصل سعرهم ل15 و20 في العروض بتاعت اوريفلام
وطبعا فيه برجوا احلي ماسكارات الي تقدر تجيب منهم حسب ميزانيتك بس ارجووووووووووووووكم بلاش ماسكارا كوبي يعني ماسكارا اوريفلام ب20 او 30 والكوبي ب20 او 30 بس الفرق واحدة ماركة ومضمونة وواحدة الله اعلم هي معمولة من ايه
بعد كده نحط بقي ليب جلوس رقيق ويمشي مع لون الميكب
هيبقي اللوك زي كده
وغيري تسريحة شعرك بحاجة من الجزء الاول لو كنتي لماه افرديه ولو كنتي فرداه لميه
اللبس:
طبعا هدومنا الي كنا بنطبخ يها دي هتتغير انا نصيحتي بقي في فترة العصر دي نلبس حاجة مختلفة
زي ايييييييييه اللبس الي مش بنقدر نخرج بيه يافتوكات باديهات علي جينز ضيق وبارمودات واسترتش برمودا وكده
هتقوليلي هي ناقصاكي نجيب خروج لبرة وخروج لجوة
استني بسسسسسسسسسسسسسسسس
بصي يا ستي في فترة الاوكازيون والتصفيات بتوصل البلوزات والباديهات ل50 و40 جنيه في اشيك المحلات
50 او 40 جنيه دي تمن بيجامة صح ولا لا واشيك واحلي عشان تبقي مش حارمة نفسك ولا حارماه من حاجة وهتحسي بنفسك بجد
وفيه استايلات تناسب كله الرفيعة والوسط والمليانة وهحطلك امثلة عشان متتحججيش
يتبعععععععععععععععععععععععععععععععععععععععععع
[][/RIGHT
الدنيا ساعة الدنيا ساعة 194833_17.gif Fatakat 194833 مصر – مصر