السلام عليكم ورحمة الله وبركاته
ازيكو يافتوكات عاملين ايه
طبعا بما ان كل فتوكة بتحب تبقى شاطرة وتوفر فى بيتها بس فى نفس الوقت بتحب تجدد فى اكلها
وطبعا الاكلات الى بيدخل فيها الكريمة كتيرة جدا وبصراحة هى بتدى طعم تحفة فى الاكل
الاول كنت بدوخ عليها لانها مش موجودة فى اى سوبر ماركت والحجم كبير ب25 وال200جرام ب8جنيه والكبير دايما مش موجود والصغير دا مابيكفيش حاجة
المهم انا كانت ماما قالتلى على طريقتها بس ماكنتش جربتها فى مرة بقى قلت طب ماجرب كده
انا رغيت كتير المهم هاقولكو بقى عالطريقة
انتى تجيبى اللبن الحليب وتغليه وبدين تجيبى طبق كبير فى مايه وتحطى اللبانة فيه وتقعدى تقلبى وكل شوية تغيرى المايه لحد ما اللبن يبرد خالص وبعديت تغطيه وتحطيه فى التلاجة لتانى يوم هتلاقى عالوش بقى طبقة القشطة سايحة خالص كده
هى دى ياستى بقى الكريمة وممكن تجمعيها وتحطيها فى الفريزر لانها طبعا بتبقى حبة صغيرة جدا فانتى كل مرة تعمليها وتشيلى فى العلبة وهيبقى عندك كريمة تستعمليها فى اى وقت
يالا اى خدمة ومتنسوش التقييم والتشجيع انا لسه فتوكة جديدةولو شجعتونى ان شاء الله هانزلكم حاجات حلوة
مواضيع هذا القسم برعاية
أم جُمانة أم جُمانة 495348_5.gif فتكات رائعة Fatakat 495348 وهم يعلمون بانى راحلة – يسالوننى اين تقيمين؟
سبحان الله و بحمده